أرملة سعيد طرابيك تحيي ذكرى وفاته الثانية برسالة مؤثرة

احيت سارة طارق، أرملة الفنان المصري الراحل سعيد طرابيك، ذكرى وفاته الثانية والتي تأتي في 15 نوفمبر من كل عام.

سارة كتبت عبر حسابها على «فيس بوك»: « لقد رحلت عنا جسدًا ولكن روحك تسكن في قلوبنا وقلوب محبيك.. عمري ما نسيتك ثانية ربنا يعلم بيا من يوم ما بعدت عني وأنا في عذاب لكن روحي وقلبي معاك وكل ما أكون مضايقة أقعد أبص لصورتك وأكلمها وأتمني إنك تكون موجود لكن انت مكانك في الجنة مش في الحياة».

سارة طارق أضافت: «عامين ولحد دلوقتي مش قادرة أستوعب إنك مش في الدنيا الحاجة الوحيدةه اللي انا علي يقين وثقة بالله كبيرة ربنا بيحبك وراضي عنك وأكيد انت في الجنة وحاسس بيا ادعيلي ياسعيد بالصبر زي ماكنت بتدعيلي علي طول مفتقداك قوي».

أرملة الفنان المصري اختتمت كلامها بقولها:«أي مكان يذكر فيه اسمك إلا وكل الأبواب تتفتح إكرامًا ليك.. أنا رافعة رأسي في الدنيا لأنك زوجي أنا عمري ماهبطل اتكلم معاك وأحكيلك يارب راضية واغفرله وسامحني ياالله إذا كنت بكيت علي قضائك رغم أني مؤمنه بالقدر والنصيب، أسألكم الفاتحة».