الفنان السوري عامر العلي ينعي والده بكلمات مبكية

نعى الفنان السوري عامر العلي والده الراحل، والذي وافته المنية منذ أيام قليلة، بكلمات مؤثرة جدا.

العلي قال في نعيه لوالده: "كان عندي إحساس إنك مارح تروح مع اللي راحوا.. كان عندي إحساس إنك موجود متل الهوا والمي وضو الشمس، مابيروحوا وما بنحس فيهم إلا لما نفقدهم.. بعرف إني قصرت معك آخر فترة وماقدرت شوفك إلا كم مرة وعالسريع. بس أنا مبارح قلتلك إني جاي أقعد معك هالمرة قعدة طويلة. وقلتلي ناطرك".

وأضاف: "كنت جاي شوفك. جاي إحكي معك وإحكيلك شو عم اشتغل وشو عم خطط لحياتي. بس الوقت غدرنا وانت رحت عاغفلة. كلهن كم ساعة ماقدرت تستناني فيهم! ماقدرت تعطيني ولو فرصة أخيرة لقلك قديه أنا بحبك كسرت ضهرنا بغيابك. الله يرحمك يا بيي".

ووجه الفنان السوري الشكر لكل من واساه في مصابه الأليم، بقوله: "شكراً لكل من واسانا بفقيدنا الغالي وعميد العائلة يوسف سليمان علي، أبو علاء".

وعامر العلي ممثل سوري كان أول وقوف له أمام الكاميرا في المسلسل التاريخي «صلاح الدين الأيوبي» للمخرج حاتم علي،قدم عدد من الاعمال التاريخية المتتابعة، نظراً لما تميز به من مواصفات خاصة تاهله للتالق في هذه الادوار كالصوت القوي وإجادة اللغة العربية الفصحى، وركوب الخيل.