جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

الإعلامية دعاء فاروق لمحمد رمضان: أخص عليك

الخميس 13 فبراير 2020 | 06:28 مساءً
القاهرة - Gololy
1155
الإعلامية دعاء فاروق لمحمد رمضان: أخص عليك

فتحت الإعلامية المصرية دعاء فاروق النار على الفنان محمد رمضان، بعد نشره مقطع فيديو له من المستشفى سخر فيه من الطيار أشرف أبو اليسر، الذي تم إيقافه عن عمله مدى الحياة بسبب واقعة دخول الفنان قمرة قيادة الطائرة.

دعاء نشرت صورة من الفيديو، على حسابها الخاص على "انستجرام"، وعلقت بقولها: "هل تعلم يا نجم النجوم ان هناك ما يسمي بالمن والأذى في القرآن الكريم.. فإذا عرضت المساعدة علي احد ثم فضحته بنشر هذا العرض او هذه المساعدة علي الملأ فهذا يسمي منٌ وأذي .. اي أنه حبط عملك ولا قيمة له لا دنيا ولا آخرة .. هل تعلم يا نامبر ون أن المنظرة بفعل الخير وبمساعدة الناس اسمها رياء والرياء يا نجم هو الشرك الخفي الذي لا يقبله من لا شريك له".

وأضافت: "هل تدرك يا مبدع ان تعليقك علي هذا الفيديو بأن الدكتور اللي صورك اتوقف مدي الحياة اسمه تلقيح بالكلام وكيد وهمز ولمز وسخرية واستهزاء بموقف حزننا له جميعا.. عندنا دم يا اخي ، بنحس بالناس يا سيدى ، بتفرق معانا مشاعرهم يا فنان يا حساس.. لم يصيبنا فيروس التباهي بأذية مخاليق ربنا والتريقة عليهم بعدها.. حضرتك بتكيد زى النسوان الكيادة الطيار اللي اتوقف بالفعل مدى الحياة بسبب منظرتك".

وتابعت: "تاريخ طويل كان يجب ان ينتهي بتكريم وخروج مشرف انتهي بخروج مخزي بسبب فيديوهات جنابك اللي بتبلينا بيها كل يوم .. مش معقول الإحداث يا محمد خلاص بقي بقالك كتير مهم ومشهور وبتركب كل يوم طيارات خاصة وعربيات من الفضاء واحنا مصدقينك والمصحف ونبصم بالعشرة انك واصل واغني من سلطان بروناي .. خلاص بقي احنا زهقنا ومش فارق معانا علي فكرة والطيارات الخاصة مش عَجَبة لان الكل بيركبها دلوقتي ومفيش ممثل او مطرب ماركبهاش .. من كتر ما شفنا صورها بقت عاملة زى التاكسي الابيض".

واستطردت: "انت مزهقتش ؟؟ احنا مش منبهرين خالص وانت لسه منبهر ؟؟؟ واحد تاني كان اتكسف واستخبي وراح باس علي رأس الراجل اللي اتمنع من شغله لآخر عمره.. مش يتمنظر بمنتهي الجهل بانه جاب له شغلانة وهو ممنوع من ممارستها .. الطيار اخطأ واخذ جزاءه لآخر العمر بسبب سماجة منقطعة النظير، غلطته أنه سمح بيها ومش هنكتر سكاكيننا علي الرجل لأنه مش ناقص بعد العقاب الرادع الذي يعتقد البعض انه يستحقه ويتعاطف معه البعض الاخر".

واختتمت كلامها بقولها: "انت بقي بسكينتك التلمة شمتان وبتتريق كمان.. يا اخي تغور الشهرة والموهبة وحب الناس لو ماعملتلهاش الف حساب.. انا مكانش عندى مشاكل معاك خالص وكنت بقول فرحان بنجاحه وماله اما يفرح انما تتسبب في أذية الناس وتشمت فيهم كمان.. يبقي اخص عليك يا محمد يا رمضان".

محمد رمضان
محمد رمضان
محمد رمضان
محمد رمضان
دعاء فاروق ومحمد رمضان