لقاء الخميسي تدافع عن مغني المهرجانات حسن شاكوش بعد قرار وقفه

دافعت الفنانة المصرية لقاء الخميسي عن الفنان حسن شاكوش بعد قرار نقابة الموسيقيين بوقف التعامل معه وكل مطربي المهرجانات.

لقاء قالت: "أول مره أتكلم وأقول رأيي المتواضع في أي حاجه بتحصل !.. الدنيا قايمة على موضوع شاكوش والأغنية والحفلة اللي ف الاستاد وعيد الحب .. 1- انا مش مع وقف مغني خد تصريح قبل كدا من الرقابه وبيقدم لون شعبي وليه جمهور عريض .. بالعكس انا مع احتضانه والاتفاق معاه بإنه يختار كلمات الاغنيه بعنايه طالما انا عندي يقين انه ممكن يفيد البلد في تقويم الجمهور .. قصدي نلعبها بصياعة ويبقى بيقدم فنه بس بكلام متنقي وشعبي وسهل برده ".

وأضافت، على حسابها الخاص على "انستجرام": "2- اتنين بقى .. الاستاد دا مكان مهم جدا .. حرم كروي اذاً اي حفله بتتقدم فيه لازم تبقى على قدر وضعه لانه كمان الحفله بتتعرض على الهوا.. وانا مش شايفه من رايي ان الحفله اساساً مكانها الاستاد بس اذا افترضنا ان مافيش غيره، يبقى لازم ننتقي المغنيين والفنانين بقى".

وتابعت: "حفلة معروضه ع الهوا ل شعب كامل يبقى انا اللي اختار واجهة للعالم وللشعب.. مغني مصري ناجح في بلده وناجح عالميا" مش مغني مهرجانات لانه دا لون من الوان الغنا لكنه مش واجهة الفن المصري الأصيل اللي اترسمله شخصيه من سنين السنين .. فكرة الاختيار والتوقيت والمكان ... هو دا الصح.. لكن تمنع مغني ليه جمهور يغني انا مش شايفه ان دا حل !.. الحل هو الاحتضان وانه يتوجه صح طالما ليه جمهور عريض وممكن نستفيد منه.. شكرا".

وكان نقيب الموسيقيين هاني شاكر قد وجه تنبيها لكل المنشآت السياحية والبواخر النيلية والملاهى الليلية والكافيهات بعدم التعامل مع مطربي المهرجانات.