جولولي | الفنانة منى فاروق تهدد بالانتحار.. فيديو
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

كشفت الفنانة المصرية منى فاروق، تفاصيل الحالة النفسية السيئة التي تعيش فيها خلال الوقت الحالي، وذلك من خلال فيديو بث مباشر عبر صفحتها الشخصية بموقع “إنستجرام”.

منى فاروق، قالت في الفيديو، إنها لم تعد قادرة على مواجهة أعباء الحياة المكلفة في دبي، خاصة أنها بدون عمل منذ أكثر من شهر، كما أنها غير قادرة على العودة إلى مصر لأن الكل يتعامل معها كمنبوذة.

وأضافت: “بعتذر إنكم شوفتوا حاجة غريبة على مجتمعنا، مش طبيعي إن ده يحصل، بس أنا قولت من فترة إني هحاول أعيش وأنسى، بس أنا مش عارفة أعيش ولا أشتغل ولا أتعامل مع بني آدمين، لو جالك ابتلاء زي اللي جالي تقعد 130 يوم مقفول عليك 7 أبواب أنا أول مرة أقولها”.

وتابعت: “كنت قاعدة طول الوقت بتمنى إمتى هخرج، وأقول يا رب نفسي أشوف الشارع يا رب نفسي أروح بيتي يا رب نفسي أنام على سريري.. وآكل من إيد أمي، من شهر 2 اللي فات لشهر 6 أنا برا الدنيا عايشة ميتة، كل ما يبقا فيه فرصة إني أخرج من الأزمة أقول يا رب والنبي كفاية.. يوم ما قالولي أنتي أخدتي إخلاء سبيل وقعت من طولي، مش مصدقة”.

واستطردت: “والله أنا عايزة أعيش في سلام مش عايزة حاجة أنا أضعف بكتير من اللي حصلي بس محدش مديني فرصة أعيش.. وحياة ربنا أنا اتعلمت من غلطتي.. بس أنا والله ضاقت عليا أوي إن محدش راضي يشغّلني.. أمي لما كانت بتجيلي زيارة وبتمشي كنت بقعد أمسك إيديها وأقولها ما تسيبينيش.. مكنتش ببقا مصدقة إن أمي بتيجي وتمشي وتسيبني في مكان أنا معرفش فيه حد”.

وأضافت: “لو على العقاب في الدنيا أنا أتعاقبت بما فيه الكفاية، ولو على الآخرة سيبوني لربنا هو غفور رحيم، أنا هناك في السجن مكنش الغطا بيدفيني وكنت ببقا نايمة بردانة.. فرحت أوي بالغطا لما خرجت واني نايمة متدفية في بيتنا.. دي نعم مكنتش واخدة بالي منها.. شوفت ناس عمري في حياتي ما كنت أتخيل إني أشوفهم، شوفت مجرمين بجد مش بتوع الأفلام.. أنا والله تبت إلى ربنا ونفسي أعمل عمرة بس يمكن ممعيش فلوس وكل ما يجيلي شغل في السعودية بيروح من عند ربنا بكون عارفه إن ربنا مش كاتبلي دلوقت اني أزور بيته”.

وأكملت :” أنتوا عارفين الكلبشات اللي بتبقا في الإيد دي بتبقا جامدة أوي وعورتني في إيديا.. أنا بقعد اتكلم مع ربنا كتير وبصلي واخدت عهود كتير على نفسي وأنا في السجن بقيت أقول يا رب عاهدتك لو خرجت مش هعمل كذا، أوعدك يا رب مش هعمل كذا، أنا عمري وأنا جوا ما بطلت صلاة كنت كل يوم بصلي الفجر حاضر، كنت ممنوعة من الكلام جوا بس بدأت أصعب على الناس فبدأوا يتكلموا معايا، الحمدلله، وأنا مش زعلانة، أنا بس مقهورة على نفسي أوي، زهقت إني منبوذة وصحابي بعدو عني، كلهم بعدو عني كأني جربة، وحتى اللي كانوا بيحبوني عملولي بلوك، وزهقت ومش عارفة أكمل، فا لو قفلتوا الأبواب الحلال، يا إما هعمل حاجات حرام، أو أموت أو انتحر وتقريبًا مقداميش حل غير إني انتحر”.

واختتمت كلامها: “ماحدش فيكوا ما غلطش، أنا آسفة للشعب المصري، لأن غلطتي كبيرة أوي، آسفة إني جرحتكوا، بس انتوا تختاروا إيه إني أموت نفسي، استغفر الله العظيم يا رب، أنا فاهمة إني غلطت، وخدت وقتي وكفرت عن خطيئتي، بعتذر لأهلي ولربنا، وأول ما ربنا يكرمني هعمل عمرة، أنا ما عنديش حد خالص أتكلم معاه، أدوني فرصة إني ألاقي شغل كويس، وماتعاملش إني منبوذه، ربنا يسامحني ويسامحكوا جميعا، أنا توبت لربنا، ومش هعمل حاجة غلط تاني، أرجوكوا أغفروا لي”.

 وكانت محكمة جنايات القاهرة، قضت، في شهر يوليو الماضي، بـ إخلاء سبيل شيما الحاج، ومنى فاروق، بكفالة 100 ألف جنيه في اتهامهما بنشر فيديو فاضح.



عدد التعليقات (0)

الاسم (مطلوب):

ما هو مجموع 2 + 5

أخبار الرئيسية: