تامر أمين يعلن تأييده لقرار وقف مطربي المهرجانات
تامر أمين يؤيد قرار هاني شاكر بوقف مطربي المهرجانات
عبر الإعلامي المصري تامر أمين عن تأييده لقرار الفنان هاني شاكر، نقيب الموسيقيين، بوقف مطربي المهرجانات، ووقف التعامل معهم نهائيا.
تامر قال إن ما يحدث عبارة عن حالة يقظة جيدة، وأضاف: "حالة الضبط والربط إن كل واحد يعرف ده صح وده غلط.. إننا نحمي السوق والمجال ده، خدوا بالكم في هوجة حاصلة على هاني شاكر وهجوم عليه على السوشيال ميديا وأنا مش عارف سببها إيه".
وتابع، في برنامجه "آخر النهار" على قناة "النهار": "هو انتوا مبيعجبكوش العجب !! مش أنتم اللي لما بقا فيه فوضى المهرجانات وبقا أي حد بيغني وأي كلام بيتقال على إسفاف وإيحاءات قولتوا لازم تواجهوا اللي بيحصل ده".
الإعلامي المصري أكد: "أنا مع قرار النقابة قلبا وقالبا.. اللي بينعر ملوش ترخيص.. لأن المهمة الأساسية للنقابة هي الحفاظ على الموسيقى والغناء من الدخلاء والإسفاف وكل شيء يسيئ للفن".
واستطرد: "لو مكنتش نقابة المهن الموسيقية تدخلت هذه الأيام وسمحت لهذه الفوضى العارمة من اللاغناء إنها تستمر وإن هما يسودوا ويبقا هو ده الفن المصري.. كانت هتبقا سُبة في تاريخ النقابة للأبد، اللي معهوش ميلزموش اللي معندوش حنجرة ميروحش يصدعنا".
وكان الفنان المصري هاني شاكر، نقيب الموسيقيين، قد أصدر بيانًا مؤخرا أمر فيه بمنع التعامل مع مطربي المهرجانات نهائيًا، وذلك بعد أزمة غناء مهرجان "بنت الجيران" لحسن شاكوش وعمر كمال في حفل عيد الحب في استاد القاهرة، بنسختها القديمة التي تحتوي على جمل منافية للذوق العام.
