جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمد محمود عبدالعزيز لشقيق ياسمين عبدالعزيز: يا خسارة الرجولة

الاربعاء 04 مارس 2020 | 03:20 مساءً
القاهرة - Gololy
800
محمد محمود عبدالعزيز لشقيق ياسمين عبدالعزيز: يا خسارة الرجولة

هاجم الفنان المصري محمد محمود عبد العزيز، الفنان وائل عبد العزيز، شقيق الفنانة ياسمين عبدالعزيز، بعد أن وجه رسالة انتقاد صادمة لها بسبب ارتباطها بالفنان أحمد العوضي.

عبدالعزيز نشر مقطع فيديو، على حسابه الخاص على موقع "انستجرام"، قال فيه: "أنا مش عارف أقول أيه أنا منفعل من حدث مش مصدقه ومش فهمه.. مش مصدق إن في أخوات بتفكر بالطريقة دي وده بالنسبة لي هبل".

وأضاف: "وأنا لا أعاتب شخص بعينه.. اللي بيحصل ده الوش علاقة بأي رجولة ولا أي تربية، ده حاجة بره نطاق المنطق.. أنا مش مصدق اللي بيحصل ده.. المفروض نحل المشاكل مع بعض ومانصغرش بعض قدام الناس".

وتابع: "الأخ اللي دخل كتب كده على أخته ما بيفكرش، ده لو واحد مصاحب واحدة لا يجرؤ يتكلم عنها كده، طب اتكلم عن واحدة ما نعرفهاش ومش عارفين أنها بـ 1000 راجل.. تخيل أنك مسكت مسدس وضربت طلقة في قلب أختك.. حسبي الله ونعم الوكيل.. فمن الممكن الخلاف والعتاب لكن لا يصل الأمر للفضيحة".

وأرفق محمد محمود عبد العزيز الفيديو، على حسابه على "انستجرام"، بتعليق قال فيه: "ألف خسارة على الرجولة لما لأخ يتكلم عن أخته كده.. ياسمين بـ١٠٠٠ راجل".

وكان وائل عبدالعزيز قد وجه رسالة لشقيقته ياسمين، على حسابه الخاص على موقع "الفيس بوك"، قال فيها: "بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".

وأضاف: "وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟".

وتابع: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين" .

وهاجم أحمد العوضي، قائلا: "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام".

وأكمل: "وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

ياسمين عبدالعزيز وشقيقها
ياسمين عبدالعزيز وشقيقها
عيد ميلاد ياسمين عبدالعزيز بحضور النجوم
عيد ميلاد ياسمين عبدالعزيز بحضور النجوم
احمد العوضي وياسمين عبدالعزيز
ياسمين عبدالعزيز واحمد العوضي
ياسمين عبدالعزيز واحمد العوضي
وائل عبدالعزيز شقيق ياسمين عبدالعزيز
محمد محمود عبدالعزيز