منة جلال لشقيق ياسمين عبدالعزيز: يا خسارة الأخوات اللي بالشكل ده

وجهت الفنانة المصرية منة جلال، رسالة قاسية للفنان وائل عبدالعزيز، بعد هجومه الأخير على شقيقته الفنانة ياسمين عبدالعزيز، وذلك عبر صفحتها الشخصية بموقع "إنستجرام".

منة جلال، قالت في منشورها: "الراجل مش بالكلام بالأفعال الراجل اللي يحافظ ويواجه و يبقي في ظهر الست اللي بيحبها مش الرجولة الأخ اللي يطلع يتكلم على أخته أيًا كانت المشاكل ويتكلم كلام عيب لما أنت بتخاف كدة مخوفتش علي ولاد أختك لما يشوفوا كلامك".

وأضافت: "و لا يمكن كنت عاوز تشتغل فعملت كدة عشان تطلع ترند كلنا بنحب ياسمين عبدالعزيز وربنا يسعدها هي والراجل احمد العوضي.. يا خسارة الأخوات اللي بالشكل ده".

وكان الفنان وائل عبدالعزيز قد وجه رسالة لشقيقته ياسمين عبدالعزيز، على حسابه الخاص على موقع “الفيس بوك”، قال فيها: “بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها”.

وأضاف: “وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟”.

وتابع: “ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين”.

وردت ياسمين عبدالعزيز، على هجوم شقيقها بإعلان حبها للفنان أحمد العوضي، والذي رد عليها بالمثل بعد توجيهه رسالة قاسية لشقيق ياسمين.