بعد هنا شيحة.. أحمد فلوكس يعلن ارتباطه من جديد.. ويكشف معلومات عن حبيبته
بعد مرور شهور قليلة على انفصاله عن الفنانة هنا شيحة، أعلن الفنان المصري أحمد فلوكس ارتباطه بسيدة من خارج الوسط الفني.
فلوكس نشر صورة لسرير بغرفو نوم، وعلق قائلا: "بسببب الصوره دي قالوا عليا اتجوزت و بقضي شهر العسل و قابليها قالوا عليا اني اتجوزت عرفي و قابليها قالوا كلام كتير".
وأضاف: "بس احب دلوقتي اقول انا ايه.. الحقيقه اه ادعولي اتجوز الانسانه اللي قابلتها والحقيقه هي كانت معايا في نفس المدرسه وعشره سنين و مش زي ما قالوا خبيره تجميل هي الحقيقه سيدة أعمال في مجال السياحة وبنت ناس محترمين جدا و من عيلة ولان وزنها يتاقل دهب و الحقيقه علشان اقدر اروح اطلب اديها و انول شرف جوازها محتاج ترتيبات كتير و احوش كتير علشان مهرها اكيد مش مهر عادي ولا شبكتها هاتكون شبكه عاديه".
وتابع: "وبما اني مش صغير وعندي ابن فاكيد هي كمان مش صغيره و اكيد عندها ولاد من أجمل الأولاد اللي شوفتهم في حياتي فا أكيد الجواز محتاج وقت وتحضير وعلشان اروح لأهلها ده لوحده موضوع كبير.. فا علشان كده لسه ماخدتش خطوه صريحه .. ادعولي علشان ساعات بيكون رزق رينا لعبده هو واحده زي دي تشاركه حياتوا.. للي مهتمين بجوازي ادعولي ربنا يوفقني... دي ردي علي موضوع الجواز ... و في النهايه احب اقول كلمه واحده بالنسبه لموضوع السرير ( سكر محلي محطوط عليه كريمه )".
وكان أحمد فلوكس قد ارتبط بالفنانة هنا شيحة بعد قصة حب بينهما أثناء تصوير مسلسل «نصيبي وقسمتك»، حيث نشرت هنا لها صور مع فلوكس، ثم فاجأت الجمهور بارتباطها به.
وارتبط النجمان بعد ظهور العديد من الشائعات حولهما ورغم نفيهما أكثر من مرة وجود علاقة بينهما، وكان عقد قرانهما بمثابة مفاجأة كبيرة للجمهور، ومثلما كان خبر زواجهما جاء خبر انفصالهما بعد العديد من الشائعات أيضًا ورغم نفيهما إلا أنهما أعلنا معًا عن انفصالهما في شهر يوليو الماضي، وذلك بعد شهور قليلة من الزواج.
