جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

نقل زوج عارفة عبدالرسول للمسشتفى.. والفنانة تكشف التفاصيل

الاربعاء 01 ابريل 2020 | 04:46 مساءً
القاهرة - Gololy
469
نقل زوج عارفة عبدالرسول للمسشتفى.. والفنانة تكشف التفاصيل

كشفت الفنانة المصرية عارفة عبدالرسول، تفاصيل تعرض زوجها لوعكة صحية وهي الالتهاب الرئوي، ودخوله أحد المستشفيات الحكومية بالإسكندرية.

عارفة عبدالرسول، قالت في منشور عبر صفحته الشخصية بموقع "فيس بوك": "تجربه خاصة مافيهاش أي تطبيل....مصطفى فجأة جاله ضيق تنفس وصدره واجعة ودي حاجة إحنا متعودين عليها عشان أصلا صدره تعبان من زمان...طلبت الإسعاف جت بسرعة أخدته وطلعت على مستشفى خاص ولاحظت إن معظم العاملين شباب صغير حتى مدير المستشفى نفسه...حطوله أنبوبة أكسجين وعملوا تحليل دم وأشعة وكتبوا شوية أدوية مضاد حيوي وبتاع المهم خرجنا وهو تعبان نص نص...وطبعا لاحظت إنهم كل شوية يبصوا لبعض ويبصولي ويرشوا مطهرات خايفين من الكورونا ودفعت ٣٠٠٠ جنيه زى الضرب على القفا".

وأضافت: "الصبح على الساعة عشرة طلبنا الإسعاف وعاملي الإسعاف قالولي ما دام معاه تأمين يروح جمال عبدالناصر ياست... روحت وأنا حاطه إيدي على قلبي... مستشفى حكومة بقى وبتاع...فضلوا يحاولوا مع إنبوبة الأكسجين ساعات طويلة وبعدين نقلوه في عناية عادية وحطوا أدوية مع الأكسجين وعلى الساعة ٨ مساء نقلوه عناية مركزه وحطوا أنبوب في صدره لأنه اتضح إنه التهاب رئوي شديد...واستشاريين كل شوية يمروا ونضافة وتطهير طول الوقت".

وتابعت: "هو الحمد لله طلع في أوضة عادية واحتمال يخرج بكره ..التفاصيل اللى بحكيها عرفناها منه لما سمحوله بتليفون... مشددين قوى لا زيارة وهو تليفون واحد في اليوم للسويتش يقولك كويس بصراحة تحيه تقدير وإجلال لمستشفى جمال عبد الناصر للتأمين الصحي بالإسكندرية".

عارفة عبدالرسول
عارفة عبدالرسول