جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

طليق إيناس عز الدين يدافع عنها ويكشف عن الأزمات الصحية التي مرت بها

الاحد 05 ابريل 2020 | 04:00 صباحاً
القاهرة - Gololy
1067
طليق إيناس عز الدين يدافع عنها ويكشف عن الأزمات الصحية التي مرت بها

خرج أحمد قمر، طليق الفنانة المصرية إيناس عز الدين، عن صمته بعد الهجوم الذي تعرضت له الأخيرة بسبب إعلانها أنها مصابة بفيروس كورونا دون الخضوع للتحليل.

أحمد قمر، قال في منشور طويل عبر صفحته الشخصية بموقع "فيس بوك" : "اعذريني يا إيناس مش هقدر أحافظ على كلمتي معاكي لحين التحقيق في الأمر بشكل قانوني وأفضل ساكت وشايف ظلم كبير واقع عليكي وتجاوزات في حقك انا لا يمكن اقبلها على إنسانة عاشت في بيتي سنين ومش قادر حتى استنى لحد ما أتمالك أعصابي من اللي حاصل معاكي واقدر اطلع لايف اتكلم وهكتب البوست ده اولًا".

وأضاف: "هرد على جزئية شايف إيناس بتتدبح قدامي فيها هل النقابة حققت مع إيناس قبل ما يتقال إنه هيتم شطبها بشكل نهائي من النقابة هو انتوا بتحاسبوا الناس قبل ما تحققوا معاهم ولا بقى التحقيق دلوقتي عن طريق السوشيال ميديا وإنها لازم تطلع تتكلم في السوشيال ميديا وتبرر مش فيه اجراءات قانونية لازم تتبع ويتم استدعائها للتحقيق وهل يا ترى اتحاد الكرة حقق مع محمد مجدي لاعب الإسماعيلي اللي دخل المستشفى بنفس السبب وهو كان معاها على نفس الطيار اللي راجعة من المغرب وقاعد في نفس المحيط بتاعها ونزل صورته على انه كورونا برضوا لإنه جتله نفس الأعراض خاصة إن فعلًا كان معاهم مصاب وحالته ايجابية في الطيارة واتأكدوا من ده لما رجعوا مصر هل صدفة هي ومحمد مجدي اللي على نفس الطيارة وفي نفس المحيط يحصل معاهم نفس الشيء".

وتابع : "طيب بتقولوا إنها بتكتب كل شوية وتدعي إنها مريضة علشان تعمل شو وأنا النقطة دي أنا بقى اللي لازم أرد عليها لإنها كانت في بيتي إيناس من قبل جوازي منها وهي كل شوية تقع من أهلها وتروح مستشفيات من صغرها ومناعتها سيئة واقل حاجة بتصيبها إيناس دخلت بيتي ومن أول شهر حصل حمل و كان في توأم فرحتي و فرحة أهلي وأهلها كانت ما تتوصفش ولا تتقدر بثمن لحد ما وصلت للشهر الرابع وحست بتعب ومش عارفة فيها ايه روحنا كشفنا وعملنا سونار في مستشفى المركز الطبي في إسكندرية ولقينا إن الأجنة ميتين والنبض متوقف وان حالتها خطر وهتدخل في تسمم حمل والدكتورة أدتها حبوب تحت اللسان علشان تجهضها من غير ما توسع الرحم و فضلت ٢١ يوم قدامي بتتعذب لحد ما أجهضت ومسكت ولادي اللي لم يكتمل نموهم وكانوا حتت لحم ميتين بين إيديا قولت عمرهم وهي كانت بتموت قدامي وعمري ما أنسى شكلها وهي ماسكة لحمها وبتبكي إنه مات حتى لما دخلت أراب أيدول حصلها مشكلة و نزيف في الأحبال الصوتية والقناة نفسها اللي أعلنت الكلام ده وإنها ممنوعة من الغناء ٢١ يوم ومن الكلام ٤ أيام و وقتها غنت وهي تعبانة هل هتكذبوا كان مذيعة وإدارة قناة mbc اللي قالوا كده بعد منظار حنجرة ليها هما كمان كدابين".

وأضاف :"المهم اللي يعرف إيناس عارف قد إيه هي بتاخد كل حاجة على أعصابها بشكل شديد جدًا وده كان بيأثر جامد على القولون لحد ظهرت معاها مشاكل المعدة والقولون واللي اتشخصت اكتر من مرة غلط وأخدت أدوية كتير غلط بوظت هرموناتها لحد ما زادت سوء وكنت بشوفها وهي بترجع دم قدامي و بتنزف من فتحة الشرج دم بالأيام وأنا وخالها وأمها كنا نحتاس بيها وهي غرقانة دم في إيدينا أنا اللي كنت بشيلها على كتفي وأنا اللي كنت بمسح دمها وأنا اللي كنت بشوفها وهي بتعاني كل شوية وتتشخص غلط وحملت في خلال المدة دي مرتين مرة الحمل نزل لوحده و مرة حالتها كانت حرجة و كانت هتدخل مننا في غيبوبة لان أعراض الحمل كانت بتقلب معاها بنزيف من الشرج من القولون و ترجيع دم وقطع نهائي للاكل وانا وخالها احتاسنا بيها في المستشفيات اللي كلهم اجمعوا إن الجنين لازم ينزل لأنها مش هتتحمل لحد الولادة والكلام ده كله حصل في مستشفى القوات المسلحة في إسكندرية وبجواب من النقابة دخلت المستشفى وكانت حامل في الشهر التاني واخذنا وقتها تقرير من دكتور جهاز هضمي و دكتور تاني جراح وبناءًا على التقارير دي تم اجهاضها وكأنها بتتحرم غصب عنها من الامومة في عز شبابها رغم إنها ما عندهاش مشاكل في الحمل نفسه لكن مشاكلها كلها في القولون وتمنع استمرار الحمل".

كما تابع :"لحد ما أتعمل مناظير معدة و قولون وتم التشخيص ان عندها فتاء في المعدة و ورم في القولون و أخدوا منه عينة وهي وقتها قالت انا ان عندها ورم ومستنية تعرف خبيث ولا حميد لحد ما ربنا من رحمته بيها طلع مجموعة التهابات شديدة على مدار سنوات اتجمعت على بعض وعملت كتلة كبيرة حميدة في القولون وكل يوم في المستشفى واغلب دخولها المستشفى والمناظير والتحاليل والأشعة اللي كانت بتعملها كانت بتكون من جوابات رسمية من النقابة بتاعتها ويقدروا يراجعوا الإيصالات بتاعة تحويلها لمستشفى القوات المسلحة و معمل ألفا ومعمل البرج وغيره وغيره وطبعًا الإيصالات دي بتتحول للحسابات لأنها عضو عامل في النقابة فأي ايصال بيطلع بتروح بيه المستشفى هي بتدفع ٢٥٪؜ من قيمة دخولها وعلاجها وحجزها أو تحاليلها وأشعتها ومناظيرها والنقابة بتدفع ٧٥٪؜ فأكيد كل الإيصالات والحسابات دي موجودة بالنقابة".

وأختتم حديثه :"أنا أسف يا إيناس وعارف وضع حالتك دلوقتي شكله إيه وقد إيه انتي لسه تعبانة وحالتك زي الزفت ومش متحملة بس مش هقدر اشوفك بيتقطع فيكي واسكت وانا جنبك ومعاكي انا واهلك لاننا حضرنا وشيلنا تعبك ومرضك سنين على كتافنا وهنفضل جنبك لحد ما يتم التحقيق رسمي وتقولي كل اللي عندك بشكل قانوني لان الكلام مافيش أسهل منه لكن إثبات الحقيقة هو ده اللي لازم يتعمل بالقانون، وربنا يعينك على اللي إنتي فيه دلوقتي وعلى وضعك الصحي اللي زي الزفت ويعين كل انسان سبك وخاض فيكي وفي عرضك وفي اهلك الطيبين المحترمين على نفسه لانهم شياطين مش بشر وكل اللي كانوا بيمثلوا إنهم أصحابك وبيحبوكي وطول الوقت جنبك ومعادنهم بانت في شدتك ولما وقعتي كله سن السكاكين ودبح فيكي .. وتتساقط الأقنعة".

ايناس عز الدين
ايناس عز الدين
ايناس عز الدين
ايناس عز الدين
ايناس عز الدين
ايناس عز الدين
ايناس عز الدين
ايناس عز الدين - المطربة
ايناس عز الدين