مصطفى جاد يوضح حقيقة هجومه على يوسف الشريف بسبب تصريحاته الأخيرة

رد الموزع الموسيقي المصري مصطفى جاد، على الانتقادات التي تعرض لها بسبب التغريدات التي قام بنشرها مؤخرًا حول تحريم الفن وأخذت على أنها ردًا على تصريحات الفنان يوسف الشريف حول رفضه للقبلات والمشاهد الساخنة.

مصطفى جاد، قال في تغريدة له عبر صفحته الشخصية بموقع "تويتر": "الناس اللي خدت كلامي على يوسف الشريف مكنش ده قصدي أبداً و كان كلامي بناءً على موقف حصل في نفس توقيته في وسطنا الموسيقي.. كل واحد حر يقول رأيه طالما مش بيفرضه على غيره و كل واحد حر يدير شغله بالطريقة اللي تناسبه طالما بيحترم مهنته و مش بيحتقرها و يحتقر اللي بيشتغل فيها".

مصطفى جاد

وأضاف: "رأيك على رأسي بس لازم تسمع و تقبل رأى الآخر حتى لو ضدك إنت شخصياً إنما تبقى إنت المرجعية و الصح المطلق و كل من يعارضك يبقى مش بيفهم .. لأ إسمحلي إنت كده عيان و محتاج تشوف حل".

وكان مصطفى جاد، قد قال في تغريدة سابقة له: "يا جماعة الموضوع بسيط قوي و الله: اللي شايف الفن حرام و عيب و كخ ميشتغلوش و يشوف شغلانة تانية و ميسمعش أغاني و ميشوفش أفلام و ميقراش أدب و...... بسيطة قوي مش كده!!!".

وأضاف: "من وقت للتاني بتتغير قناعات الأشخاص أو بتتشكل على حسب المواقف و لذلك لابد من الحذر في التصريحات و الآراء لأن في زمننا ده مفيش حاجةً بتموت و لا بتستخبى و خصوصاً الفنانين أو المؤثرين بشكل عام".