جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

المخرجة كاملة أبو ذكري تهاجم يوسف الشريف بسبب تصريحاته عن ملامسة الفنانات: ده اسمه دين جديد

السبت 04 يوليو 2020 | 10:28 مساءً
القاهرة - Gololy
5758
يوسف الشريف - كاملة ابوذكري

شنت المخرجة المصرية كاملة أبو ذكرى، هجوما حادا على الفنان يوسف الشريف، بعد تصريحاته لأخيرة لرفضه أداء المشاهد الساخنة والقبلات.

كاملة أبو ذكري، قالت في تدوينة عبر صفحتها الشخصية "فيس بوك": "لما يبقى في مشهد لحبيب بيحاول ينقذ حبيبته والمخرج يقوله حتمسكها وتشدها عشان تبعدها عن طلقة الرصاص، يقوم النجم الفاضل يرفض إنه يمسكها عشان هو ما بيلمسش الستات، هي دي بقى المشاهد الساخنة اللي حضرتك بتتكلم عنها؟.. ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟".

يوسف الشريف

وأضافت: "بالنسبة ليه ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات، عايز ترضى ربنا في شغلك اختار مواضيع تنور عقل المشاهد أو تشرح قلبه، تبقى عايز ترضى ضميرك وتقول في شغلك كلمة حق يمكن تبقى سبب إن ناسك يعيشوا أحسن، والمجاهرة بالصلاة واستغلالها ده محرم في دينك".

يذكر أن الفنان يوسف الشريف، كان قد قال خلال تصريحاته مع الإعلامي رامي رضوان، في برنامج "مساء DMC"، إنه يرفض أداء مشاهد القبلات والمشاهد الساخنة ويضعها شرطًا في بنود عقده منذ ما يقرب العشر سنوات.

كاملة ابو ذكري