جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

الفنانة ياسمين غيث تحذر الفتيات: تعرضت للتحرش وتأذيت كثيرًا منه

الاربعاء 08 يوليو 2020 | 01:05 صباحاً
القاهرة - Gololy
1905
ياسمين غيث

كشفت الفنانة المصرية ياسمين غيث، عن تعرضها للتحرش وذلك خلال فترة دراستها، داعية الجميع لمساندة الفتيات وتقديم الدعم لهن لمواجهة ظاهرة التحرش.

ياسمين غيث، قالت في فيديو نشرته عبر صفحتها الشخصية بموقع "إنستجرام: "أنا حصلتلي حادثة وأنا في تانية ثانوي اذيتني وعشان كدة أنا فكراها لغاية دلوقتي المدرس اللي كان بيدرس لي كيمياء كان سبب إني أكره المادة والمدرسة، كان من النوع اللي بيلمس بطريقة مش مريحة وبيعمل ده مع أي بنت وكان معروف ومحدش خد معاه أي إجراء لأنه كان في منصب كبير في المدرسة.. ولما حاول يمسكني بطريقة مش مريحة مسكتش وهزأته".

وأضافت: "كانت بالنسبة لي صدمة كبيرة عشان المدرس كان أكتر حاجة ببصلها باحترام لكن رحت قولت لأمي ورحنا اشتكينا لمدير المدرسة ومفيش أي حاجة حصلت والمدرس سقطني في المادة وكانت النتيجة إني مشيت من المدرسة، وعلي فكرة المدرس ده كان متجوز واحدة زي القمر .. يعني مفيش سبب أيا كان لتبرير التحرش".

وتابعت: "مفيش ست في الكون متعرضتش للتحرش بصورة أو بأخرى.. ماينفعش تسكتي قولي ماتسكتيش اتشجعي وافضحي اللي آذاكي علشان يتأذى هو كمان، حتي لو آذاكي معنويًا فقط".

وكان عددًا من النجوم قد كشفن عن تعرضهن للتحرش خلال الأيام الماضية وذلك ردًا على تعرض أكثر من مائة فتاة للتحرش والاغتصاب من قبل شاب الجامعة الأمريكية والذي ألقي عليه القبض مؤخرًا.