سلاف فواخرجي تحيي الذكرى الثانية لوفاة والدتها.. شاهد
أعربت الفنانة السورية سلاف فواخرجي عن شدة افتقادها لوالدتها واشتياقها لها في الذكرى الثانية لوالدتها، وشاركت متابعيها مشاعر لوعتها من فراق والدتها بصورة تجمعها بها، وأرفقتها بكلمات موجعة.
سلاف كتبت عن التغير الكبير الذي أصبحت عليه بعد فراق والدتها: «قبل وبعد ... مصطلح موجود وبنقراه وبنسمعه دائما ، خصوصا بمجتمعاتنا اللي المقارنة فيها جزء من ثقافتها وسلوكها وتقييمها ...مثلا بيقولوا ، قبل التعليم وبعده ، قبل المال وبعده ، قبل الشهرة وبعدها ، قبل السلطة وبعدها ، قبل الزواج وبعده ، قبل الريحيم وبعده ، قبل الخمسين وبعده ، قبل التجميل وبعده . قبل وبعد ، وقبل وبعد ، قبل وبعد ...بس بالنسبة الي انا ... بحس انو ماعندي قبل وبعد .... حاولت بصعوبة ضل متل ما انا ، ليكون القبل والبعد واحد .. ولأبقى أنا ... أنا ».
وتابعت: «بس غصب عني ... مو بايدي، صار عندي قبل وبعد ...يمكن زمنين ، مرحلتين ، ويمكن انسانين ...صرت انا قبل إمي ، وأنا بعد إمي ...قبل ماتروح وبعد ماراحت ....لما كنت بحضنها وبعد ماتركتني ...قبلها او بالاحرى معها ، أنا كنت لوحة ، صورة مكتملة بشوفها لما بوقف قدام مرايتي ...بعدها انا ، مجموعة صور ، مجموعة قطع ، مليون شقفة وشقفة ضيعوا حالهن بدونها ...حتى مرايتي زعلت على حالي ، بعدها ...وبطلت تقدر تشوفني وبطلت المراية مراية ، متل قبلها ...اشتقتلك ماما ... وصاروا سنتين».
فانز سلاف تفاعلوا بشكل كبير مع منشورها عبر تعليقات تمنوا فيها للنجمة السورية الصبر والسلوان على مصابها الأليم.
من ناحية أخرى، نافست سلاف فواخرجي في المارثون الرمضاني بمسلسل «شارع شيكاغو» الذي تشارك في بطولته أمام نخبة من نجوم الدراما السورية منهم الفنان الكبير دريد لحام، وأمل عرفة، وعباس النوري، وشكران مرتجي، ونظلي الرواس، ومهيار خضور، ونادين سلامة، ونادين خوري، وهدى شعراوي، والعمل تأليف وإخراج محمد عبدالعزيز.
