جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمد رشاد في ورطة بسبب 5 مليون وزوجته تستغيث باكية.. فيديو

الاربعاء 08 يوليو 2020 | 01:44 مساءً
القاهرة - Gololy
3849
مي حلمي ومحمد رشاد

تحدثت الإعلامية المصرية مي حلمي عن أزمة زوجها الفنان محمد رشاد مع أحد المنتجين، والذي تسببت في مطالبة زوجها بدفع 5 ملايين جنيه، ونظرا لتعثره في الدفع سيتم الحجز على شقتهما.

مي قالت باكية، في مقطع فيديو نشرته على حسابها على "انستجرام": " تخيلي تصحي من النوم تلاقى حد بيكلمك يقولك انا جاي احجز على البيت واثاث بيتك، كفايه وقف حال فينا طول 4 سنين انا كمان تضررت فيهم بسبب علاقات شخص يرغب في أذية محمد رشاد".

وتابعت: "بدعم جوزي وبقول كفاية وقف حال فينا، فيه قضية وعشان العقد وحاجة تبع محمد رشاد في الغنا والمبلغ كان 5 ملايين وفضل يطلع وينزل.. واحد لسه بيبتدي حياته ده 30 سنة، حاول يكلم ناس كتير ويقسط المبلغ وده كل اللي همه إنه يشوف البني آدم الطيب ده محبوس".

وأكملت: "ليه هخبي حاجة زي دي النهاردة وأنتوا شوفتوا بدايتنا مع بعض وحبنا وخناقتنا وكل حاجة، تخيلي تصحي من النوم في بيتك اللي انتي تعبتي عشان تبنيه حد بيقولك إنه هيحجز عليه".

وأضافت: "كفاية 4 سنين وقف حال فيه وسنتين فيا، وأنا مكنتش أعرف، بسبب علاقاتك وأصحابك بتكلم فلان إني مشتغلش تعالى خد اللي أنت عايزه، بس سيبنا في حالنا، لما أنت كارهه مضيت معاه ليه، مالك ومال شغلي مالك ومال حياتي، هو عايز ينفذ حكم على رشاد بسبب الغنا، رشاد عنوانه في طنطا مالك ومال بيتي؟".

واختتمت كلامها بقولها: "جه عايز يكسر الباب هنا بدون سابق إنذار، ليه عايز تحبسه ليه عايز تأذيه وتأذينا في اسمنا وشغلنا وحياتنا، عشان شرط جزائي غنا في عقد 4 سنين كفاياك وقفت حاله".

مي حلمي ومحمد رشاد