جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

رانيا يوسف توضح سبب فضحها للمتحرشين

السبت 11 يوليو 2020 | 04:32 مساءً
القاهرة - Gololy
896
رانيا يوسف

كشفت الفنانة المصرية رانيا يوسف، سبب قرارها مؤخراً بفضح المتحرشين بنشر صور لرسائلهم عبر صفحاتها على مواقع التواصل الاجتماعي.

رانيا يوسف، قالت خلال مداخلة هاتفية لبرنامج "الحكاية"، مع الإعلامي عمرو أديب، والمذاع عبر فضائية MBC: "قررت أفضح المتحرشين، بيدخلوا على صفحاتي على الانستجرام ويشتموني ويكتبوا كلام يشيب، ورسائل بتشيب، أنا لو بعتلك سكرين شوتس على الحاجات اللي بتنكتب حتى من قبل الفستان من أول ما فتحت صفحة الفيس بوك وأنا يعني عندي حالة ذهول".

وأضافت: "أنا ناوية كل يوم أنزل 5 متحرشين لفظيا على السوشال ميديا وانا ناوياها.. مش أنا بس يا عمرو أنا بيتبعتلي من بنات محجبات ومنقبات ولبسهم محتشم جدا وأطفال وزي ما بقلك رجالة بعتتلي قصصهم يعني الموضوع مش مقتصر على البنات".

وتابعت: "أنا بحاول أشجع البنات، ما تسمحيش لحد يتحرش بيكي لفظيا، أنت معملتيش حاجة، انت لما حطيتي صورتك وتعملي إنستجرام ده مش معناه انك بتستدعي حد يتحرش بيكي انت معملتيش حاجة غلط.. في رسائل تهديد طبعا جاتلي".