الفنانة نهال نبيل تعلن شفائها من فيروس كورونا

أعلنت الفنانة المصرية نهال نبيل، شفائها من فيروس كورونا بعد إعلانها عن إصابتها بها منذ أكثر من 48 يوماً.

نهال نبيل، قالت في منشور عبر صفحتها الشخصية بموقع "إنستجرام: "يوم ٢٠ قبل العيد الصغير تعبت و سخنت.. يوم ٣١/ ٥ دخلت المستشفى و خرجت ٧/٧ .. فترة طويلة صح ؟! طبعًا وحشتوني جدًا .. ٤٨ يوم في المستشفى بحارب ضد فيروس كرونا.. و بعدها خرجت و اخدت فترة نقاهتي و بقالي فيها شهر".

وأضافت: "أنا الحمد لله و الفضل لله بخير ..اه بقالي كتير جدًا بحارب فيروس كرونا .. حقيقي، كانت مرحلة صعبة قوي قوي.. بس بفضل الله و دعواتكم ليا بجد اللي انا سمعتها و قريتها و وصلتني و كل حد وقف جنبي سواء بالسؤال او بالفعل فانا عديت المرض بفضل كل ده بعد ربنا طبعًا و كان إختبار كبير و الحمد لله الحمد لله انا و أمي بخير".

وتابعت: "كلمة شكرًا و وربنا يخليكم ليا كلمة قليلة عليكم قوي لأن انتم كنتم سند ليا في الظرف الصعب دا و ساعدتوني على عدم الإستسلام و إني أحارب و أقاوم الفيروس و انا اهوه الحمد لله رجعت، وان شاء الله هطلع لايڤ قريب جدًا عشان أتواصل معاكم هيتم الإعلان عنه قبلها على انستجرام لانكم وحشتوني جدا جدا".

نهال نبيل