جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالصور.. مي حلمي تفاجئ جمهورها بموهبة جديدة: مافيش حاجة مستحيلة

الاثنين 21 سبتمبر 2020 | 11:53 صباحاً
سارة إبراهيم
853
مي حلمي

فاجأت الإعلامية المصرية مي حلمي جمهورها بكشفها عن موهبة جديدة لديها، وهي موهبة الكتابة.

مي نشرت مجموعة صور لها، على حسابها الخاص على موقع "انستجرام"، وهي تقوم بتوقيع عقد أول رواية لها.

الإعلامية المصرية أرفقت الصور بتعليق قالت فيه: "انهارده مضيت عقد أول روايه ليا في تاريخ الكتابه،، حلم جديد بيتحقق وخطوه مهمه جدا في حياتي".

وأضافت: "خلصنا أول روايه وبدأنا في كتابه الروايه التانيه انتظروها معرض الكتاب ٢٠/٢١ مع دار ابهار للنشر.. مافيش حاجه بعيده مافيش حاجه مستحيله".

يذكر أن مي حلمي قد انفصلت مؤخرا عن زوجها الفنان محمد رشاد، والذي أكد أنه طلق مي حلمي 3 مرات، وبالتالي لا يمكن لهما العودة لحياتهما الزوجية مجدداً وفقاً للشريعة الإسلامية.

رشاد فاجأ متابعيه عبر انستجرام، وكتب: "قبل أي شيء.. بسم الله الرحمن الرحيم.. الطلاق مرتان فإمساك بمعروف أو تسريح بإحسان. صدق الله العظيم".

وأضاف: "الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي".

وتابع: "وبعد 3 مرات طلاق أكيد مينفعش نكمل وكأنه محصلش.. أنا بطلب من كل الناس سواء بتحبني أو لا بتتابعني أو متعرفنيش أصلا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش. وفي الأول والآخر ياريت نراعي إن البنت بتتأثر بالكلمة الوحشة قبل الحلوة".

واستطرد: "قضينا أيام منها الحلو ومنها اللي مش حلو وكل شيئ نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا. ودا هيكون آخر حاجة ممكن أقولها بخصوص الموضوع دا".