حمادة صميدة للمتنمرين: ولادي ماتوا أرحموني

وجه الفنان المصري حمادة صميدة رسالة مؤثرة للمتنمرين به، طالبهم فيها أن يكفوا عن أذيته.

صميدة نشر صورة تجمعه بابنه "فارس"، على حسابه الخاص على موقع "انستجرام"، لافتا إلى أنه كان لديه ولدين أكبر منه لكنهم قد توفاهما الله.

الفنان المصري كتب: " أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي حمزه وياسين أول فرحة ليا في سن خمس شهور حسيت ساعتها أنا ومراتي إن دي النهاية خلاص والدنيا أسودت في وشي ووجع ربنا ما يكتبه لحد".

حمادة صميدة وابنه

وأضاف: "لكن رحمة ربنا إنه يرزقني بابني فارس اللي ماليش غيره في الدنيا وهو أغلى حاجة عندي وممكن أضحي بعمري عشانه، فكفايا تنمر كفايا سخرية كفايا شتيمة سيبوني أفرح بحاجة بحبها ابني وشغلي دول حلم حياتي لأن دول اللي فاضلين ليا في دنيتي بقى".

وتابع: "أبوس إيديكم ارحموني لما تشوفوني بنزل صورة لابني فارس اللي فرحان بيه وطلعت بيه من الدنيا أنا ماليش في الدنيا غيره أنتم ما تعرفوش أنا جوايا إيه وظروفي إيه ومريت بأيام شكلها عامل ازاي، أنا عارف إن حمزة وياسين في الجنة وأنا مشتاق للجنه علشان أشوفهم".

حمادة صميدة