ندى بسيوني تدعم أصحاب "متلازمة داون" وتطالب بحذف لفظ "البله المنغولي" من المناهج
عبرت الفنانة المصرية ندى بسيوني عن دعمها الشديد أصحاب "متلازمة داون"، وطالبت بحذف لفظ "البله المنغولي" من المناهج الدراسية.
ندى نشرت مجموعة صور جمعتها ببعض الشباب أصحاب "متلازمة داون"، وعلقت قائلة: "الي كل من يهمهم الامر : اقرأوا بقلوبكم لا بأعينكم كل حرف كتب في هذا النداء".
وأضافت: "ادعم ومن قلبي وروحي سما رامي في المطالبه بحذف لفظ البله المنغولى من كتب وزارة التربية والتعليم والمناهج.. انهم ابطال وفنانين يا ساده و مبدعين والاهم انسان يملؤه المحبه والسلام.. شهر أكتوبر شهر التوعية بأصحاب متلازمة داون ".
ندى بسيوني
ونشرت رسالة "سما رامي"، وهي من أصحاب "متلازمة داون"، وقد قالت في رسالتها: "شير وخلوا كل الناس تغير الثقافة القديمة والتعليم والمناهج الخطأ.. أوعى حد يضحك عليكم ويقول إن اصحاب متلازمة داون مرضى أو يقول مرض متلازمة داون".
وأضافت: "أوعى حد يضحك عليكم ويقول إن اصحاب متلازمة داون عمرهم قصير و بيموتوا على طول.. أوعى حد يضحك عليكم ويقول إن اصحاب متلازمة داون هبل وعبط و منغوليين ومعاقين ذهنيا".
وتابعت: "أوعى حد يضحك عليكم ويقول إن اصحاب متلازمة داون مش بيتعملوا أو مش بيفهموا.. اسمعوا كلامى أنا بس من أصحاب متلازمة داون.. متلازمة داون عبارة عن نسخة إضافة فى كروموسوم ٢١.. بدل ما يكون ٢ بقى ٣".
وأوضحت: "ال كروموسوم الزيادة ده عمل حاجات كتيرة آوى حلوة فينا : أولا : بنحب كل الناس من قلوبنا بدون مصالح.. ثانيا : مش بنعرف يعنى إيه كراهية أو حقد وغل.. ثالثا : خلى بالكوا عندنا حاجة إسمها شفافية يعنى بنعرف الناس الكويسة والناس الوحشة بلاش الناس الوحشة يقربوا مننا.. رابعا : عندنا إرادة من حديد وعزيمة وتحدى الصِعاب".
وأكملت: "خامسا : إحنا بنتعلم كويس جدا كل حاجة... إيه المشكلة إن يكون فى اهتمام زيادة عن باقى الناس.... إيه المشكلة لما يكون في أدوات لتعليم أصحاب متلازمة داون مختلفة عن باقى الناس...... لو ده اتوفر لكل أصحاب متلازمة داون مش هيبقى في حد عنده تأخير القدرات الذهنية".
وأضافت: "سادسا : شكلنا مختلف عن الناس..... إحنا أحلى وأجمل من ناس كتيرة..... والجمال فالروح مش فالشكل... سابعا : المرض دا ابتلاء بإيد ربنا بيصيب أصحاب متلازمة داون وبيصيب الناس كلها.... المهم مين هيصبر ويحمد ربنا على الابتلاءات.. ثامنا : الموت دا الحقيقة الوحيدة إللي فالدنيا..... ربنا اختص بيه كل الانفس وليس أصحاب متلازمة داون فقط".
وتابعت: "تاسعا : وأخيرا إحنا ربنا خلقنا عشان نعلم الناس ازاى يحبوا بعض.. عاشرا : من حقي انى أطالب بعدم وصمى بالقانون بالاعاقة الذهنية بحجة الاتفاقيات الدولية عشان كده عاوزاكم تساعدونى عشان رسالتى توصل للرئيس السيسى شخصيا عشان يغير مصطلح قانون أصحاب الإعاقة إلى قانون أصحاب القدرات الخاصة والهمم.. ارفعوا سقف التوقعات واطلبوا المستحيل من الله".
ندى بسيوني