محمد هنيدي لأحمد السقا وتامر حسني: فاضحينا على الفضائيات
تحدث الفنان المصري أحمد السقا مؤخرا عن خلاف حدث بينه وبين الفنان تامر حسني بسبب فيلم "الفلوس"، وذلك خلال استضافته في برنامج "السيرة" تقديم الإعلامية وفاء الكيلاني، وهو ما دفع تامر للرد عليه، ومعاتبته على حديثه عن خلافهما على الهواء، فاعتذر له السقا عن هذا الفعل.
الفنان محمد هنيدي علق على رسالة اعتذار السقا لتامر حسني، بطريقة طريفة، حيث كتب: "عايز رقم تامر يا سقا تتكلموا بدل مانتوا فاضحينا على الفضائيات والسوشيال ميديا كدة؟".
محمد هنيدي واحمد السقا وتامر حسني
وكان السقا قد قال في البرنامج: "بعد ما عملتله مشهد ضيف شرف فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، يا تامر مرة قالي دول فانز، ومرة قال دول الشركة المنتجة، قولتله أنا معرفش حد منهم أنا معرفش غيرك، ودي أثرت عليا جدا نفسيا وعليا في شغلي".
تامر عاتب السقا على كلامه، حيث قال إنه لم يكن يريد الرد، ولكن الجمهور يسأله، لذا وجب التوضيح، لافتا إلى أنه تحدث إلى السقا بعد هذا الموقف في مناسبتين دون أي عتاب من السقا، وأكد أنه كان ينبغي ألا يخرج هذا الكلام في التليفزيون، بل كان لا بد أن يكون هذا الكلام بينهم وبين بعض.
تامر حسني
تامر حسني
السقا اعتذر لتامر عن حديثه عن خلافهما في التليفزيون، قائلا: "رساله الى صديق عزيز صديقى واخى العزيز تامر حسنى أنت عارف اللى بينى وبينك عيش وملح وحاجات كتير....قد اكون اخطأت انى اتكلمت فى الموضوع ع الهوا ولكن يعلم الله كم كنت مجروحا وكم كنت حزينا".
وأضاف: "مش هاطول عليك اكتر من كده ولو انا زعلت شويه وانت شويه نبقى خالصين يا عم... تامر حسنى احنا اللى بينا كتير ماتزعلش يا عم وحقك عليه...وميعادنا الحفله اللى جايه".