بسمة وهبة تكشف تفاصيل مرضها وتعلن إصابتها بالسرطان: "حالتي صعبة جدا"

كشفت الإعلامية المصرية بسمة وهبة، تفاصيل مرضها التي بسببه اضطرت للسفر إلى الخارج.

وقالت بسمة، خلال حوارها عبر "سكايب" في برنامج "مساء dmc":"سافرت للعلاج في الخارج لأني كنت في حالة صحية سيئة جدًا وكنت أعاني من مشكلتين في المعدة.. حالتي مش حالة نادرة بس حالتي كانت صعبة جدًا ومعدتي مينفعش يدخل فيها منظار من كتر العمليات اللي اتعملت فيها فبقى خطر عليا أعمل عمليات فيها".

وأضافت:"ربنا كرمني بدكتور إنجليزي وجد لحالتي علاج وبقالي شهر مجاليش أي أعراض من اللي كانت بتحصلي" ، مؤكدة أن المشكلة الثانية أنها كانت تعاني من نزيف وبعد إجرائها بعض الفحوصات وجدت أن هناك هرمونات نشطة تساعد على تنشيط الخلايا السرطانية، قائلة:"ده المفترض ميكونش عندي عشان أنا مريضة سرطان، وعملت تحاليل وتم إرسالها لأمريكا عشان يعرفوا خطة علاجي هل بإزالة الورم نفسه ولا أخد علاج والنتيجة دي اللي هتحدد".

وتابعت حديثها قائلة:"في كل الأحوال أنا في نعمة وفضل من ربنا وزي الفل.. وملخص تجربتي مع السرطان الفترة اللي فاتت أني أسلم أمري لله، مبزعلش على حاجه ابتلى بيها، وبنبسط وبسجد وبقول يارب أكيد دي منحة، وبنصح الناس تتفائل بأن أكيد حاجة وراها خير".