فيديو| مرتضى منصور يفتح النار على أحمد فهمي: "كومبارس.. وكلامي مع مراتك"

خرج مرتضى منصور رئيس مجلس إدارة نادي الزمالك، للتعليق على المشاجرة التي حدثت بين الفنان أحمد فهمي و محمود عبدالرازق الشهير بـ"شيكابالا"، في أحد المناسبات.

وهاجم مرتضى، الفنان أحمد فهمي هجومًا عنيفًا، وذلك من خلال مداخلة هاتفية بقناة الزمالك، قائلًا:"الولد الكومبارس اللي حاول يشتهر على حساب شيكابالا ده عيل غير مثقف وجاهل والأهلاوية مش كدة".

وأضاف:"الأهلاوية محترمين ومؤدبين، انت مش من جمهور الأهلي أنت من العيال اللي بيتأجروا".

وتابع حديثه قائلًا:"كل اللي شوفتهولك بالصدفة دور شحات، إحنا مش هنكلمك أنت احنا هنكلم زوجتك الفاضلة لأنها سيدة محترمة.. هنكلمها زي ما ربتك في المسلسل وضربتك هنقولها تربيك، وبقول لشيكابالا لا تتأثر ده مش جمهور الأهلي ده للي بيسئ لجماهير الأهلي.

وكان قد خرج الفنان أحمد فهمي للتعليق على الخلاف الذي وقع بينه وبين شيكابالا قائد ولاعب وسط نادي الزمالك.

وكتب فهمي عبر صفحته الشخصية بموقع التواصل الاجتماعي "فيسبوك":"أنا مش ممثل أهلاوي.. أنا واحد أهلاوي بقى ممثل. فقدامي تحترم نفسك عشان المنطقة دي خط أحمر".