بالفيديو.. مخرج فيلم منى زكي الجديد يرد على تهديد أحمد حلمي له: مستنيه

علق النجم أحمد حلمي مؤخرا، على بوستر فيلم "الصندوق الأسود"، الذي تصدرته زوجته النجمة منى زكي وظهرت فيه مكتوفة الأيدي والدماء على وجهها، بقوله: "بالنجاح والتوفيق وانا ليا كلام تاني مع اللي كتفك كده ".

المخرج محمود كامل، مخرج فيلم "الصندوق الاسود"، رد على تهديد أحمد حلمي، قائلا: "ضحكني جدا، بيقول ليا كلام مع اللي كتفك كده، وأنا اللي كتفتها كدهن فمستنيه يكلمني في التليفون ونحل الموضوع ده".

وتحدث كامل عن تفاصيل فيلم "الصندوق الأسود"، خلال لقائه ببرنامج "ذا إينسيدر"، حيث قال: "الصندوق الأسود تجربة مختلفة، فيها رهان أنا عمله صعب شوية".

وأضاف: "هو الفيلم بيتطور يعني بيبتدي في حتة وبعدين بيروح لحتة تانية، وبعدين حتة تالتة، فمنقدرش نصنفه اوي، بالإضافة إنه مش مرتبط بوحدة زمنية معينة الموضوع أكبر من كده".

وفيلم "الصندوق الأسود" بطولة النجمة منى زكي، ومحمد فراج، ومصطفى خاطر، وأسماء جلال، ويظهر شريف سلامة كضيف شرف، وهو من تأليف هيثم وأحمد الدهان، وإخراج محمود كامل.