جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

"لازم تكون شريرة وبتشغلنا في البيت؟".. أسما شريف منير تتحدث عن زوجة والدها الفنانة المعتزلة

الخميس 22 أكتوبر 2020 | 10:40 صباحاً
سارة إبراهيم
2291
اسما شريف منير

تحدثت الإعلامية أسما شريف منير لاول مرة عن زوجة والدها الفنانة المعتزلة "لورا".

أسما نشرت صورة لـ "لورا"، على حسابها الخاص على موع "انستجرام"، وعلقت قائلة: "الست الجميلة اللي في الصورة دي هي (لورا) مرات ابويا!.. ايه ده هو في مرات أب حلوة كده اومال فين الحوافر و العيون الشريرة ".

وأضافت: "مش مرات اب؟ يبقي اكيد لازم تكون شريرة و بتعذب الولاد و بتشغلنا في البيت هههه، ده اللي المجتمع و الافلام ديماً بيصدروا بس الحقيقة إن الست دي من اطيب و اجمل و اجدع الستات اللي في الدنيا، عمرنا ما اتخنقنا يمكن اختلفنا مرة بس عمرها ما اتعدت علي حقوقنا و لا التزمات أبويا لينا".

وتابعت: "أم اخواتي او بناتي عشان هما صغنانين، هي عيلتي و حبيبتي، لما بزعل مع ابويا بتقف جنبي حتي لو هيتخانق معاها، انا وهي اصلاً شخصيتنا قريبة من بعض بتفهمني و بتحس بيا"

وأكملت: "انا عمري ما اتكلمت عنها عشان هي بعدت عن الأضواء من زمان، بس حسيت اني لازم اقولها اني بحبها وبحترمها و اديها حقها، و عشان اقول لإي ست لو انتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك فوق راسه".

واختتمت كلامها بتوجيه رسالة حب لها، بقولها: "بحبك يا لولو اوي و ربنا يخلينا لبعض كلنا ديماً و شكراً علي كل حاجه حلوه عملتيهالي.. اه و بالناسبة هي بتعمل افكار حلوه اوي علي الإنستاجرام تبعوها".

يذكر أن لورا كانت قد شاركت في عدد من الأفلام السينمائية قبل اعتزالها، ومنها: "البطل، وسوق المتعة، وأرض الخوف، ولو كان ده حلم"، وغيرها.