"مرتشي وشيطانة".. أحمد فلوكس يهدد بكشف المستور: هاتكلم بالأسامي و الأشخاص والتفاصيل
أكد الفنان المصري أحمد فلوكس أنه سيفضح عدد من الأشخاص الذين تسببوا في أذيته خلال الفتة الماضية، بالأسماء والتفاصيل، وذلك بعد انتهاء كافة الإجراءات القانونية بينهم.
فلوكس كتب، على حسابه الخاص على موقع "الفيس بوك": "طول عمري ماشي بستر ربنا .!بيحصلي حاجات كتير و بتظلم كتير و بشوف كتير و ربنا دايما بينصرني رغم اني اصلا مبكنش عارف اصلا اني اتظلمت.... و كتير اتقال عليا حاجات كتييييير و باردو مكنش بيفرق معايا لانوا كدب بس كنت بدايق ان ازاي نحاول ندمر حد بالكلام او بالتشويه بس كان نجاحي في شغلي بيرود علي سوالي ... و علشان كده مكنتش بهتم باي حاجه تتقال عليا".
وأضاف: "اتقال عليا كتير و اتقال عني كل حاجه تقريبا ماعدا حاجه واحده بس مقدروش يقولوها.. علشان مش هاتتصدق لكن اتقال عني كل اللي ينفع يتقال و اتاذي بي و مكنتش بهتم و تلف الايام و كل اللي بيقول كلمه بلاقيه واقع فيها و اقول الله يسامحه و خلاص".
احمد فلوكس
وتابع: "لكن في حاجه واحده حصلت و للأسف كان لازم ساعتها التزم الصمت لغايط ما اجيب حقي بس كنت موجوع منها و من الظلم اللي حصل و الغدر و حاجات كتير تخص الوقعه دي هاتكلم عليها بالتفاصيل الاسبوع اللي جاي و بالاسامي و الاشخاص و التفاصيل بعد ما يكون كل حاجه قانونيه خلصت خصوصا ان فيها للاسف شخص للاسف اقل شي يتقال عليه انو قذر و مفتري و لا يستحق المكان اللي كان فيه والحمد الله ربنا جعلني سبب انو يسيبوا و لسه هايحصلوا كتير لانو اذي ناس كتير و كان مرتشي و نجس و قذر".
واستطرد: "واقعه فرد الامن ،،، الواقعه دي كانت كلها ظلم وافتراء و مدبره للاسف و مقصود بيها تدميري من واحده للاسف لا يوجد كلمه تتقال عليها غير انها مدمره و شيطانه و باردوا الاسبوع اللي جاي هاقول هي مين و قصتها ايه علشانً تعرفوا انا اتظلمت قد ايه وقد ايه فضلت مستحمل الظلم و علشان كمان تعرفوا احنا كبشر بقينا اذاي و عشان كمان تعرفوا ان كلمه ولاد الناس دي ماتتقلش لاي حد وو علشان تاخدوا بالكم من اختياراتكم و تعرفوا ان الغدر و الخيانه و الدمار ممكن يجي من اقرب ناس ليكو وعلشان تبعدوا عن اي عيله ماشيه بالاعمال و السحر للناس ... وعلشان ارتاح اني اخدت حقي من اسوااء انواع البشر علي الارض .... نهايه الاسبوع القادم باذن الله سينتهي الظلم و سيري كل واحد تسبب في ظلمي و اذاني في القصه دي ايات ربنا ووعده ..حقي قادم".