تامر حسني يوجه رسالة عتاب لزوجته بسمة بوسيل: متهورة بس بحبك
في اول تعليق له على الأمر، وجه الفنان المصري تامر حسني رسالة عتاب لزوجته الفنانة المغربية المعتزلة بسمة بوسيل، بعد إعلانها انفصالهما على مواقع التواصل الاجتماعي.
تامر قال في رسالته لزوجته، على خاصية "ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".
وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".
وتابع: طبس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفوز أو بزيارة رحيمة ما بيهم، وياريتها مشكلة أصلا".
وأكمل: "رينا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".
تامر حسني وزوجته بسمة بوسيل
وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".
وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".
تامر حسني وزوجته بسمة بوسيل