انتي فاكرة نفسك مين؟.. رانيا منصور ترد على اتهامها بالغرور: "كمية شتايم مش لاحقة أرد"

تعرضت الفنانة رانيا منصور، للعديد من الانتقادات بعد البوست التي نشرته، وبسببه شن بعض المتابعين الهجوم عليها بسبب طريقتها.

الحكاية بدأت عندما كتبت رانيا عبر صفحتها الشخصية بموقع التواصل الاجتماعي "فيسبوك":"أنا نفسي أعرف هما الناس بتوع ممكن يا فنانة تقبلى الأدد دول بيفكروا فى إيه!! أقبل الادد ليه أنا معرفكش ولا أنت قريبى ولا صاحبى ولا زمايل فى الشغل ولا معرفة حتى أخليك فى الفريندز عندى بتاع ايه؟؟؟ علشان تتابعنى مثلا طيب ما انت بتابعتنى ايه تانى بقى؟ لو سمحتوا احترموا خصوصيات الناس".

رانيا منصور

وبعد نشر هذا البوست اتهمت رانيا منصور بالغرور والتكبر على الجمهور، إضافة إلى استقبالها كم كبير من الشتائم، وهو ما جعله تخرج عن صمتها وترد عبر حسابها على "فيسبوك"، قائلة:"يعنى أنا كتبت بوست بطلب فيه الناس تحترم الخصوصية مخلصتش.. أنتى فاكرة نفسك مين وأنتى مش فاتن حمامة ولا منى زكى علشان تتكلمى بالطريقة دى أنتى متكبرة ووجهة نظرك متتقلش أنتى لسه فى بداية طريقك.. طب ما اتدفن بالحيا أحسن ونخلص بقى وكمية شتايم مش لاحقة أرد أصلا ومش حرد بقى بصراحة".

رانيا منصور

وأضافت:"يعنى أنا أطلب خصوصية عيب لكن هما يشتموا عادى جدا صح!! هو إيه اللى حصل للناس فى إيه على فكرة كل الناس اللى يعرفونى كويس عارفين إنى لا متكبرة ولا مغرورة ولا أى حاجة من دى بالعكس".

واختتمت حديثها قائلة:"بس أنا حرة أعبر عن رأيى أقبل ايه ومقبلش ايه واللى مش عاجبه ما يتابعنيش وشكرا".