ميرهان حسين توجه رسالة لـ تامر حسني وبسمة بوسيل.. وتغلق التعليقات
وجهت الفنانة مريهان حسين، رسالة إلى النجم المصري تامر حسني والفنانة المغربية بسمة بوسيل، بعدما قام الفنان بتوجيه رسالة عتاب لزوجته التي أعلنت انفصالها عنه على مواقع التواصل الاجتماعي.
ونشرت ميريهان صورًا لتامر مع بسمة وأولادهما، وعلقت عليهم عبر حسابها الشخصي بموقع تبادل الصور والفيديوهات الشهير "انستجرام"، قائلة:"ربنا يخليكوا لبعض ولولادكوا و يبعد عنكوا كل حاجة وحشة .. بحبكو سوا و يارب دايما سوا".
وحرصت ميرهان على إغلاق خاصية التعليقات منعًا لأي حديث من المتابعين على أزمتهما.
ميرهان حسين
ووجه الفنان المصري تامر حسني رسالة عتاب لزوجته، عبر خاصية "ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".
وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".
وتابع:"بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو بزيارة رحيمة ما بيهم، وياريتها مشكلة أصلا".
وأكمل: "ربنا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".
وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".
وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".