شيما صابر عن تصرف تامر حسني مع بسمة بوسيل: "بيعلم رجالة دروس متنتهيش"
أشادت الإعلامية شيما صابر، بتصرف النجم تامر حسني، تجاه زوجته الفنانة المغربية بسمة بوسيل، بعدما وجه لها رسالة عتاب بسبب إعلان انفصالهما على مواقع التواصل الاجتماعي.
وكتبت شيما تغريدة عبر حسابها الشخصي بموقع التدوينات القصيرة "تويتر":"تامر حسني في طريقة احتواء زوجته ورده عليها بيعلّم رجالة كتير أوي دروس متنتهيش".
وتابعت:"من زمان وأنا بشوفه حقيقي مثال للشخص الذكي الناجح صاحب المواقف المدروسة".
واختتمت:"تحية على إحساسه بالمسؤولية كونه شخص ملهم في هذا المجتمع".
ووجه الفنان المصري تامر حسني رسالة عتاب لزوجته، عبر خاصية "ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".
وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".
وتابع:"بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو بزيارة رحيمة ما بيهم، وياريتها مشكلة أصلا".
وأكمل: "ربنا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".
وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".
وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".