بعد تامر حسني.. شيماء سيف للنساء: اطلبي الطلاق عشان يقولك بحبك يا متهورة.. والمتابعات: بيتقالنا غوري يا مدهولة

بعد صلح الفنان تامر حسني وزوجته الفنانة المعتزلة بسمة بوسيل، سخرت الفنانة المصرية شيماء سيف من جملة قالتها تام لبسمة في رسالته لها، وهي "متهورة بس بحبك".

شيماء سيف نشرت صورة للفنانة فيفي عبده من أحد أعمالها الفنية، على حسابها على موقع "انستجرام"، وعلقت قائلة: "قومي يا بت سيبي له البيت واطلبي الطلاق عشان يقولك بحبك يا متهوره".

تعليق شيماء سيف أثر ضحكات متابعيها، خاصة النساء منهم، واللاتي أكدن أن أزواجهن لن يكون رد فعلهم مثل تام حسني، حيث قالت إحدى المتابعات: " لا احنا رجالتنا بتقول غورى يا مدهولة"، وكتبت أخرى: "عشان الاقيه اتحوز عليا وهاص وعاش حياته 😂 ويقولي خليكي متهورة".

شيماء سيف

وكان الفنان المصري تامر حسني قد كتب عبر خاصية الـ"ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".

وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".

وتابع:"بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو بزيارة رحيمة ما بيهم، وياريتها مشكلة أصلا".

وأكمل: "ربنا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".

تامر حسني وبسمة بوسيل

وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".

وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".