شيماء سيف ترد على انتقادات سخريتها من تامر حسني: "مش قصدي تجريح"

خرجت الفنانة شيماء سيف، لترد على التعليقات التي استقبلتها وقال فيها البعض أنها تسخر من النجم تامر حسني، بعدما صالح زوجته الفنانة المربية بسمة بوسيل بطريقة رومانسية من خلال جملة "متهورة بس بحبك".

شيماء سيف نشرت صورة للفنانة فيفي عبده من أحد أعمالها الفنية، على حسابها على موقع "انستجرام"، وعلقت قائلة: "قومي يا بت سيبي له البيت واطلبي الطلاق عشان يقولك بحبك يا متهوره".

وأكدت شيماء أنها لن تقصد أي تجريح بل بالعكس فهي تحب تامر حسني وأعجبتها طريقته في مصالحة زوجته، قائلة:"ده مش تجريح خالص بالعكس أنا بحب تامر جدا وعجبتني جدا رومانسية رد فعله فقصدي بالبوست إني عشان يتقالي بحبك يا متهورة أقول لجوزي طلقني بس كده.. وليكم مني كل الحب".

شيماء سيف

وكان الفنان المصري تامر حسني قد كتب عبر خاصية الـ"ستوري" بموقع "انستجرام": "بسمة حبيبتي.. للأسف انتي مافكرتيش كويس.. وسلمتي ودانك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي عرفتيني وحبيتيني بيها".

وأضاف: "إزاي وصلوكي للزعل والبعد فترة، المهم أنا مش هزعل منك، ولا يرضيني زعلك إنتي حبيبتي وأم أولادي، أنا ضهرك وسندك مهما حصل".

وتابع:"بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو بزيارة رحيمة ما بيهم، وياريتها مشكلة أصلا".

وأكمل: "ربنا جعل ما بينا مودة ورحمة عشان كدا، للاسف انتي عارفة إن في ناس في طبيعتهم حب خراب البيوت، ومش هنخلص منهم، بس انتي اللي هتخلصي من فكرة انك تسمعيهم، مع أنك ماكونتيش كدا".

وتابع: "ياريتك تركزي مع طاقة الناس اللي دعولنا ودعوا لأولادنا بكل خير.. وفعلا أنا بشكل كل الناس والفنانين اللي سعوا في الخير لينا، وانا واثق إنك دلوقتي زعلانة إنك كتبتي كدا، هو تصرف متهور منك بس ولا يهمك مش عيب إن الإنسان يغلط، ويتعلم وأنا ياما علمتك ولسة هعلمك".

وأكمل: "كان نفسي الكلام ده يكون بيننا لكن أنتي اشركتي الجمهور الكريم فكان لازم أرد هنا، بيننا حب غالي وحياة كريمة واولادنا وبيتنا أغلى ما فيهم، ربنا يخلينا ليهم ويخليهم لينا يارب.. متهورة بس بحبك".