جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالفيديو.. بعد كشفه عن ضربها الحقيقي له.. منى زكي تعتذر لمحمد فراج: معلش اندمجت بزيادة قلمين

الثلاثاء 17 نوفمبر 2020 | 04:35 مساءً
سارة إبراهيم
1954
منى زكي ومحمد فراج

تحدث الفنان المصري محمد فراج عن كواليس تصوير أصعب مشاهده مع النجمة منى زكي، في فيلم "الصندوق الأسود، وذلك خلال استضافتهما في برنامج "معكم منى الشاذلي".

فراج كشف أن مشاهد الضرب بينهما كانت حقيقية، لافتا إلى أنه اكتشف أن منى زكي يدها ثقيلة جدا في الضرب، وأنها ضربته بجد خلال التصوير.

منى زكي أعادت نشر هذا المقطع، على حسابها الخاص على موقع "الفيس بوك"، ووجهت اعتذارا لمحمد فراج، مرجعة ما حدث إلى اندماجها في تجسيد الشخصية.

الفنانة المصرية كتبت: "أجمل حاجه في مشاهد الخناقات بين الممثلين ان اللي بيضرب هو اللي يندمج وان اللي بيتضرب يندمج في انه يحوش عن نفسه اندماج اللي بيضربه.. معلش بقي يا فراج اندمجت بزياده قلمين .. قصدي حبتين".

منى زكي ومحمد فراج

محمد فراج قال خلال الحلقة: "كنا بنضرب بجد، وهي إيدها تقيلة أوي، هي المفروض بتضربني بالمسدس على دماغي فالمفروض بنعمل حركة كده علشان اتفاداها، فعملناها كذا مرة في البروفة وكل مرة تنزل على دماغي".

منى زكي اعترفت بصحة كلام فراج، حيث قالت خلال حلقتهما في برنامج "معكم منى الشاذلي": "أنا بيقولولي إن إيدي تقيلة، أحمد السقا كمان كان بيقولي كده، هي ساعات الحجم الصغير بيلسوع أكتر، بس أنا فاكرة إن إيدي عادية ومش بتوجع".

فعلق فراج: "تخيلي السقا كان بيقولها إيديها تقيلة.. أمال هتعمل فيا أنا إيه، فشوفي بقى حجم المعاناة اللي عشناها"، لترد منى الشاذلي: "خليهم ينشفوا شوية".

وفيلم "الصندوق الأسود" بطولة منى زكي ومحمد فراج ومصطفى خاطر، ومن تأليف أحمد وهيثم الدهان، وإخراج محمود كامل.