جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

محمد سامي: عادل إمام يستاهل اللي هو فيه

السبت 21 نوفمبر 2020 | 02:02 مساءً
سارة إبراهيم
823
محمد سامي وعادل امام

عبر المخرج المصري محمد سامي عن حبه الشديد للزعيم عادل إمام، حيث اكد أنه فخور أنه يعمل في مهنة يمتهنها عادل إمام.

محمد سامي كتب، على حسابه الخاص على موقع "الفيس بوك": "خلونا نتفق ان أستاذ عادل إمام يستاهل اللي هو فيه، وأنا قاعد بكتب دايما بشغل موسيقي تصويريه لأفلام ومسلسلات كتير بتحطني في مود المشاهد اللي بكتبها".

وأضاف: "ومشكلتي الكبيره لما بتقابلني اي موسيقي لأي فيلم للأستاذ عادل اني مابعرفش اركز في المشهد اللي بكتبه وببقي عايز اقوم اشغل الفيلم اتفرج عليه".

محمد سامي وعادل امام

وتابع: "سرحت في الأستاذ وانا بسمع موسيقي فيلم حب في الزنزانه وفي كم التنوع اللي قدمه الراجل ده ، فعلا قدم كل حاجه وساب جوه كل واحد بصمه كبيره اسمها عادل إمام".

واختتم كلامه، بقوله: "ربنا يحفظك يا فنان يا كبير يا مشرف يا قدوه يا حاجات كتير قوي صعب تتقال في كام سطر ولا حتي في كام صفحه . أنا فخور اني بشتغل في مهنه يمتهنها الأستاذ عادل إمام".