بعد انتقادات إطلالتها.. ريهام سعيد: دراعي هو دراعي بس تخنت.. ركزوا في حياتكوا يا ملايكة
خضعت الإعلامية المصرية يهام سعيد مؤخرا لجلسة تصوير حديثة ظهرت فيها بإطلالة كاجوال اعتبرها الجمهور جريئة نوعا ما.
ريهام سعيد
ريهام سعيد ظهرت في الجلسة مرتدية "تيشيرت كت" وبنطلون جينز ممزق، وهو ما أثار انتقادات جمهورها، واعتبروا أنها بدأت تتخلى عن ملابسها المحتشمة.
ريهام سعيد
الإعلامية المصرية نشرت صورة مركبة لصورة من الجلسة وصورة قديمة لها منذ عدة سنوات، وعلقت قائلة: "الي بيقولوا اتغيرتي دي انا وطول عمري بسيطه وشايفه ان لو الحاجه مش مبتذله تبقي شيك كل واحد حر . الصوره التانيه دي من اربع سنين و موجوده علي كل المواقع و بتنزل في كل الاخبار ايه الفرق دراعي هو دراعي والله بس تخنت عشره كيلو".
وأضافت: "علي فكره ده الجينز بتاعي الي بخرج بيه و التيشرت دي من دولابي الخاص يعني لبسي . للعالم المريضه ركزوا فحياتكوا يا ملايكه و ارحمونا من احكامكم واراءكم الي مالهاش اي قيمه . و لا انتوا ملايكه و لا ليكوا الحق في الحكم علي الناس الكلام ده للقله القليله المريضه الي جواها غضب بتطلعه علي بروفايلات الناس المشاهير".
ريهام سعيد
وتابعت: "مش فاهمه فكره انك تتابع و احد عشان تنتقده انت ماللك . دي انا بسيطه وحره و شيك و عمري ما كنت حاجه غير كده و دي طبيعتي الي مصدوم اكيد مش ها روح البرنامج كده لان ماينفعش الواحد يروح البنك لو موظف بشورت . الدليل علي انكوا و لا بتفهموا في الدين و لا تعرفوه ان الدين قال ان الكلمه الطيبه صدقه انتوا وصل بيكوا التنمر انكوا بتحكموا مين داخل الجنه و مين داخل النار . و ان تقل خيرا او لتصمت".
واختتمت كلامها بقولها: "ارحمونا بقي من العقد و من قله الادب . ناس بتبان في منتهي التقوي من ناحيه المظهر و هي منحرفه انحراف رهيب . لما مايعجبكش حد ابعد عنه و ادعيله بالهدايه مع ان مجرد انك تحكم علي حد وعلي علاقته بربنا انت الي محتاج ندعيلاك بالهدايه" .
ريهام سعيد