بالفيديو.. داليا البحيري عن إصابة زوجها بـ "كورونا": أول ما سخن خدت المخدة ونمت برة

تحدثت الفنانة المصرية داليا البحيري عن التجربة الصعبة التي مرت بها عند إصابة زوجها، رجل الأعمال حسن سامي، بفيروس "كورونا".

داليا البحيري قالت، في تصريحاتها لبرنامج "The Insider": "تجربة كانت صعبة، الحمدلله الأعراض كانت خفيفة، لكن العزل 3 أسابيع كان صعب جدًا".

وكشفت ما فعلته عند علمها بإصابة زوجها بـ "كورونا"، بقولها: "أول ما سِخن أخدت المخدة ونمت على الكنبة واديتله علاج وطبطبت عليه، طبعًا خوفت عليه وعلينا كلنا وعملنا مسحات وفحوصات وكُنا تمام، والحمدلله أنه جات سليمة".

يذكر أن زوج داليا البحيري قد أصيب بفيروس "كورونا" في شهر يونيو الماضي، وعلّقت داليا البحيري وقتها، بقولها: "ألف حمد وشكر ليك يارب، لأن أنا عارفة ومتأكدة إن إحنا عملنا اللى علينا وزيادة، حافظنا وقعدنا في البيت، وعقمنا وطهرنا، وانتقدنا اللى نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزى وحبيبى طلع إيجابي، ربنا يشفيه ويعافيه يارب".

وأضافت: "إحنا كلنا عملنا مسحات كورونا، أنا والأولاد، واللى بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب»، وأضافت: «أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللى كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".