أمينة خليل تحسم جدل زواجها: مش هتجوز غير لما كورونا تنتهي

نفت الفنانة أمينة خليل، ما تردد حول احتفالها بزفافها على خطيبها المهندس عمر طه، خلال الأيام القليلة المقبلة بمدينة الجونة.

وقالت أمينة خلال لقائها مع برنامج et بالعربي: "مش عارفة ليه طلعت الأخبار دي، الأخبار دي مش حقيقية، أنا لسه مخطوبة زي ما انتوا عارفة، وحتى الآن إحنا مقررنش الفرح هيبقى امتى، بس لما كورونا تخلص نبقى نشوف".

وأكدت أمينة خليل أنها ستحتفل بزواجها بعد انتهاء أزمة كورونا، قائلة:"قولنا نستنى لحد ما كورونا تنتهي عشان إحنا عايزين نعمل فرح كبير، ووقتها هنعلن ده.. محدش يطلع اشاعات عليا".

امينة خليل وخطيبها

وكانت الفنانة المصرية أمينة خليل، قد تحدثت عن تجربة إصابتها بفيروس "كورونا" مؤخرا، وتعافيها منه.

أمينة خليل أكدت، في لقائها ببرنامج lite show على قناة "الحياة"، أنها لم تكن خائفة حين أصيبت بكورونا، رغم أن الأيام الأولى كانت قاسية.

الفنانة المصرية أوضحت: "مكنتش خايفة.. بس أول كام يوم كانت قاسية شوية وبعد كده بتبقى مملة عشان بتبقا لوحدك فبتزهق".