جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد تجاهل تكريمه في مهرجان القاهرة.. رانيا ياسين: أبويا لو كان عايش كان هيسعده رد فعلكم

الاثنين 07 ديسمبر 2020 | 01:31 مساءً
ندى عصام
892
رانيا محمود ياسين

خرجت الفنانة رانيا محمود ياسين، عن صمتها للرد على تجاهل تكريم والدها الراحل محمود ياسين، في الدورة الـ42 من مهرجان القاهرة السينمائي الدولي.

وقالت رانيا في ممقطع فيديو نشرته عبر صفحتها الشخصية بموقع التواصل الاجتماعي "فيسبوك":"انا يا جماعه مش فارق معايا تكريم بابا ولا فارق مع اسرتي لانه اتكرم مرتين من مهرجان القاهرة.. وأنا بعد أبويا مش هزعل على حاجة".

وتابعت:"الناس انتقدت والرأي العام كله معجبهوش اللي حصل والاف الكومنتات اللي قاله ازاي ميعملوش دقيقة حداد أو يتكرم، سواء على صفحاتي أو صفحات أسرتي بلاقي نفس التعليق والاستياء الشديد".

وأضافت:"الاستاذ محمد حفظي قال عى احد المواقع ان اتكرم كتير واحنا محبناش نقل الجونة، فطبعا انا مش عارفة ارد اقول ايه، مهرجان القاهرة هويته مصرية بحته يعني لازم لما اجي اعمل مهرجان زي ما هقدم السينما العالمية لازم أقدم ما قدمته السينما المصرية في كليب سريع".

وأكملت:"هذا العام المؤلم المحزن المؤسف تم فيه وفاة رموز السينما المصرية بدءًا من ماجدة الصباحي ثم نادية لطفي ثم شويكار واخيرًا أبويا.. احنا مزعلناش الجمهور هو اللي لفت نظرنا لان انتوا الضهر والسند، أبويا لو كان عايش كان هيسعده رد فعلكم، ولو كان شاف حبكم تأكدوا أنه مكنش هيبقى متضايق ولا فارق معاه".