جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد وقف برنامجها واعتذارها.. ريهام سعيد: الحمدلله

الاربعاء 09 ديسمبر 2020 | 01:56 مساءً
ندى عصام
662
ريهام سعيد

انتهت أزمة الإعلامية المصرية ريهام سعيد، مع المجلس الأعلى لتنظيم الإعلام، باعتذارها للمشاهدين عن حلقة "صيد الثعالب" التي نالت بسببها انتقادات شديدة، تسببت في وقف برنامجها "صبايا الخير" والتحقيق معها.

وشاركت ريهام، جمهورها بصورة لها من جلسة تصوير خضعت لها، وعلقت عليها عبر حسابها الشخصي بموقع تبادل الصور والفيديوهات الشهير "انستجرام"، قائلة:"كل شيء يحدث لسبب جيد، كونوا سعداء، الحمدلله".

ريهام سعيد

وكانت ريهام سعيد، قد كتبت على حسابها الخاص على موقع "انستجرام": "علي اد ما زعلت اني اتهاجمت و اتجرحت كتير فرحت اوي ان ناس كتير بقت رحيمه بالحيوانات حتي لو مفترسه و خطر علي البني ادم . انا بعتذر علي اي مشهد في اساءه لاي حد و خصوصا الناس المهتمه بالرفق بالحيوان".

وأضافت: "بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمده ١٨ سنه و اكيد مش محتاجه اي شهره ولا مشاهده . الهدف الوحيد هو تقديم محتوي محترم صادق و مفيد . كنت عايزه اسلط الضوء علي مهنه الصيد الي موجوده في كل انحاء العالم بمميزاتها وعيوبها حبيت اقدم الحقيقه و ازود معلومه جديده لان هي دي نيتي بس انا مش بشتغل في مهنه الصيد و لا يمارسها لكن هي موجوده".

وتابعت: "أي اتهامات انا هارد عليها الحلقه الجايه لكن المهم دلوقتي ان محدش يزعل مني لان اكيد كل الي اتقال ده مش حقيقه . انا عايزه اعيش في سلام و كفايه مشاكل . نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه".

وأكملت: "انا اسفه مره تانيه والمره الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي".

واختتمت كلامها، بقولها: "من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني سامحوني" .