بالفيديو| بعد هجومها على الصحافة وتصريحاتها المثيرة للجدل.. زينة ترد: حسيت إني مجنونة

تعرضت الفنانة المصرية زينة، للعديد من الانتقادات بعد تصريحاتها المثيرة للجدل، وخاصة بعدما قالت مع أحد المراسلين:"أنا مش فستان على السجادة وليا قيمة".

ووضحت زينة وجهة نظرها وقالت على هامش حفل توزيع جوائز نجم العرب:" انا كنت موضحة كويس جدا انا حسيت ان الناس عندها حق بعد المونتاج اللي اتعمل".

وأضافت:" انا بقول لازم يكون ليا معنى هو كل الناس اللي بتروح مالهاش معني؟، الناس الكبيرة اللي بتروح بتدي المهرجان من قيمتها وفنها وتاريخها انا عايزة اساعد في مهرجان بلدي دي حاجة ثقافية كبيرة".

وعن انفعالها على الصحفيين بسبب تصويرها بكاميرا الموبايل ردت قائلة:" انتوا مش عايزين تقدروا أن أنا مش راجل طبيعي اتهز وهتضايق لما واحد يقرب مني ويعمل زوم بالكاميرا.. حسيت إني واحدة مجنونة مش طبيعية بقول لحد إيه اللي بتعمله ده ومتوصرنيش، قعدت أضحك لما شوفت الفيديو، وحسيت الناس ليها حق في اللي بتقوله".

وعن تكريمها كأحسن ممثلة سينمائية عن دورها في فيلم "الفلوس"، قالت زينة:"أول مرة في مهرجان نجم العرب وان شاء الله متكونش أخر مرة وانا سعيدة بالتكريم".

وكانت الفنانة زينة قد كشفت سبب عدم تواجدها في مهرجانات فنية كثيرة، قائلة:"مش بحب ابقى موجودة عشان ابقى فستان معدي على الريد كاربت بحب يبقى ليا وجود يعني مثلا لما بكون هستلم جايزة أو أسلم حد من زمايلي جايزة أو عضوة في لجنة التحكيم .. أنا ليا قيمة".