فيديو لزوجة أحمد الفيشاوي يثير السخرية.. وترد: الحقوني جوزي هيتاخد مني

تداول رواد مواقع التواصل الاجتماعي فيديو، ساخر لـ نادية الكامل زوجة الفنان المصري أحمد الفيشاوي، خلال مهرجان القاهرة السينمائي الدولي بدورته الـ42.

وظهر الفيشاوي في الفيديو وهو يلتقط صورة على طريقة السيلفي مع الفنان شريف رمزي، وفي الخلفية ظهر صوت خمنه البعض أنه لزوجة الفيشاوي وهي تقول:"أحمد تعالى أقعد جنبي.. أحمد تعالى هنا".

وخرجت نادية عن صمتها وردت على ما يتم تداوله، وكتيت عبر صفحتها الشخصية بموقع التواصل الاجتماعي "فيسبوك":"أنا ولا قلت احمد ولا قلت تعالي هنا، وكمان مقولتش تعالي اقعد جنبي، وكمان فيه واحده بتنادي على واللي يعرفني هيعرف ان ده مش صوتي، يا جماعة انا روحت البيت اتفرجت زيي زي الناس. يا جماعه الحقوني انا جوزي كان هيتاخد مني".

نادية الكامل

وأضافت:"طيب الانسه دي اللي عاوزاه يقعد جنبها مفكرتش للحظه انا هقعد فين؟ واللي بتقولوا تعالي هنا، طب لما هو يروح هنا، انا هروح فين؟ وعلي فكره انا اتقل واعقل بكتير اني اعمل كده وانادي ل جوزي بالشكل ده عشان شكلي، وانا احب احترم شكلي ونفسي جدا. واهو في الاخر لا رد على دي ولا راح هنا ولا بص حتي، يعني شكلكوا وحش اوي، بنسميكوا".

وتابعت حديثها قائلة:"ولاد اللذين فلتوا مني، بس معلش المره الجايه هاخد بالي، ستات تخاف متختشيش حقيقي، اشعر بالاشمئزاز فعلا من تصرفات زي دي لا تليق بأي ست محترمة، اشعر بالاشمئزاز فعلا".