فيديو| بعد تصريحاتها.. محمد رشاد يرد على مي حلمي: اتقي شر الحليم إذا غضب

قرر المطرب محمد رشاد، الرد على تصريحات طليقته المذيعة مي حلمي، بطريقة غير مباشرة، بعدما كشفت الأخيرة سبب انفصالهما في مقطع فيديو.

وكتب رشاد عبر خاصية الـ"ستوري" بموقع تبادل الصور والفيديوهات الشهير "انستجرام":"إن الله حليم ستار، وإذا بليتم فاستتروا والسكوت مش ضعف ولكن اتقي شر الحليم إذا غضب".

محمد رشاد

وقال رشاد، في مقطع فيديو تم تداوله على مواقع التواصل الاجتماعي:"أنا لحد دلوقتي ساكت وكافي خيري شري ولا بجيب سيرة حد ولا بالحلو ولا بالوحش لأن تربيتي وأخلاقي تمنعني اتكلم عن حد، كل تجربة عدت عليا اتعلمت منها ومفتحتش عنها كلام، والناس بتميز مين الحلو ومين الوحش ومين اللي بيمثل وبيتعامل بطبيعته وتربيته.. بس الأصول اللي متربي عليها متمنعنيش إن لما حد يسوء سمعتي اني ابدا أرد بطريقته لأني احترمت حاجات كتير وسكت، فإن الله حليم ستار".

وتحدثت المذيعة المصرية مي حلمي، لأول مرة عن أسباب انفصالها عن زوجها المطرب محمد رشاد، نجم برنامج "أراب آيدول".

وقالت مي، في مقطع فيديو نشرته عبر خاصية الـ"ستوري" بموقع تبادل الصور والفيديوهات الشهير "انستجرام":"أنا مذيعة من 5 سنين، لكن من سنتين بالظبط بدأت حياتي تبقى مشاع، من أول ما اتلغى فرحي، وعمري ما اتكلمت أو قلت أسباب وببعد حياتي الشخصية".

وأضافت:"الطلاق تجربة صعبة على أي ست، وميعرفوش أنا اتطلقت ليه، عشان الغدر والخيانة من أقرب الناس ليك".

وتابعت حديثها قائلة:"فيه كتير وقفوا جنبي ومعايا منهم المنتجة سارة الطباخ ، وريهام سعيد".

ووجهت مي رسالة لريهام سعيد قائلة:"أنتي نعمة الصاحبة يا ريهام، كنتي في ضهري من يوم الفرح تكلميني تطمني عليا، معملتش أي حاجة غير أنها وقفت تدافع عن واحدة متعرفهاش غير أنها زميلة بس.. فعلا ستات جدعة ودعموني".