جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالفيديو| زوجة أحمد عدوية تبكي: محدش سأل علينا.. وأنحني لـ فيفي عبده

الاحد 20 ديسمبر 2020 | 12:04 مساءً
ندى عصام
1991
زوجة احمد عدوية

أعربت زوجة الفنان المصري أحمد عدوية، عن استيائها وحزنها الشديد لما قال الموسيقار حلمي بكر منذ فترة بأنه من الضروري يعتزل عدوية الغناء بسبب حالته الصحية، مؤكدًا أنها لن تسامحه.

وقالت زوجة الفنان خلال لقائها هي وزوجها مع الإعلامي عمرو الليثي في برنامج "واحد من الناس":"انا مش مسامحة حلمي بكر، ازاي يتكلم عن جوزي، ايه اللي خلاها يقولأنه يعتزل، إيه مترتبته انه يحكم على انسان ميغنيش ويعتزل، أنا بكيت لما سمعت الكلام ده أنا ومحمد وبنتي".

وتابعت:"احمد عدوية احنا مسمينه الجندي المجاهد ومن ساعه ما قام من حادثته فتح بيته وأكلنا وشربنا وخرج ولادي من الكليات وخلاهم في المستوى اللي هما متعودين يكونوا فيه، ده انسان يتحنيله ولا لأ؟ ولغاية اللحظة دي هو اللي فاتح بيتي وأولادي على قد مجهود".

وأضافت باكية:"احنا وقت الكورونا محدش سأل عنه من زمايله، نسيه ان بيته كان مفتوح ومليان من فنانين لفنانات للاعيبة كرة لصحافين كبار، عشان الحق يتقال بابا تامر حسني بمعدل كل شهر لازم يكلمه مرتين يسأل عليه، وحاجة تانية عايزة اقوم انحنيلها هي مدام فيفي عبده أم الرجولة كلها والجدعنة كلها وأم الحنية اللي في الدنيا، من غير ما حد يقولها بتسأل لوحدها وبتود وبتعمل الواجب لوحدها، بتحب جوزي حب وتقولي ده أخويا".

وأكملت حديثها:"وقت الأزمة اتنسى أحمد عدوية وحكيم افتكرنا الأسبوع اللي فات، وبيكلمني كان في موضوع تكريم فلما سمعت صوته نفسي صعبت عليا وعيطت لأن أنا عشت مع حكيم في مهرجانات، قولتله كدة متسألش علينا، بعدها كلمنا وزارنا كتر ألف خيره".