ورم وكرسي متحرك.. الشاعر عمرو حسن يعلن اعتزاله: الرحلة انتهت

أعلن الشاعر المصري عمرو حسن، اعتزاله بسبب ظروف صحية دامت لأكثر من عامين.

وكتب عمرو عبر صفحته الشخصية بموقع التواصل الجتماعي "فيسبوك":الرحلة انتهت.. بعد طول تفكير وبكامل ارادتي وبسبب ظروف صحية دامت لأكتر من سنتين دون الافصاح عنها واستمر معاها عدم قدرتي على الوقوف على رجلي والالتزام بجلوسي على كرسي من اكتر من سنة وانتهت بسقوطي على مسرح ساقية الصاوي نهار الجمعه اللي فاتت وعدم قدرتي على اكمال الحفل".

وأضاف:"انا عندي مشكلة صحية كبيرة ف رقبتي واشتباه في ورم وبحة في حنجرتي بتوصل لعدم قدرتي على الكلام بعد كل حفلة لمدة يوم واحياناً اتنين وتغيّر في نبرة صوتي غير اعتمادي على كميات كبيرة من المسكنات بسبب الام عضلية مزمنة بتوصل بيا للصراخ في اوقات كتيرة غير الام التهاب المريء المزمنة واللي معايا من اكتر من ١٢ سنة وكنت بسببها قبل حفلاتي وبعدها مابخرجش من الحمام كاتم الالم والالتهاب اللي بياكل فم معدتي".

وتابع:"النهاردة في حفلتي في مدينتي الاسكندرية قعدت على كرسي وخدت برشام عشان الالام الشديدة واتحملت مالا يتحمله بشر عشات انهي الحفل بسلام لاني حبيت اني زي مابدأت هنا انهي هنا، انا مريض بمشاكل نفسيه عارفها ومتعايش معاها على رأسها الاكتئاب المزمن اللي معايا من سنين بسبب بعض التجارب المرضية المؤسفة واترددت كتير قبل ما اعلن في اللحظة دي رغبتي في التوقف تماماً .. أنا دخلي كله من الحفلات اللي كنت لسنين طويلة نمرة واحد فيها وماعرفش ممكن اعيش ازاي بس انا عندي خبرات كويسه ف الادارة والتسويق واقدر لو اتعرض عليا شغل كويس اني اشرّف اللي هيختارني بس يكون شرطي الوحيد عدم وجود مجهود بدني واني اشتغل وانا قاعد".

عمرو حسن

واستكمل حديثه:"وباشكُر كل العاملين معايا في الحقل الفني من عشر سنين من موسيقيين ومعدين ومديري اعمال وفنيين ومنظمين

وبشكر صحابي احمد شبكة ومي سعيد وسارة المهدي وهالة عبد الوهاب وانس البغدادي.. الخميس الجي عندي حفل اخير (لا مجال هنا للاعلان عنه) لالتزامي بعقد وبعدها يكون انتهى كل شيء".

واختتم عمرو حديثه قائلًا:"بشكُر اللي صدقوني وقت ما بعض أصحابي ذمّوني وخانوا ملحي، بشكُر الناس اللي حبوني وعلّوني وحاوطوني بحبهم وفتحوا بيتي وقت ماكانش عندي بيت، وبشكر اللي قالوا اني محترم وجدع وقلبي نقي وراهنوا على طهارتي وقت ما اللي عاشرتهم بكل مشاعري ما قالوا فيه وفيه وبطلب من اي شخص زعلته يسامحني وبطلب منكم الدعاء بالفرج وزوال الغم والنجاه من المرض والشفاء بقدرة ربنا والدعاء باني الاقي الشيء الوحيد اللي ماعرفتش الاقيه بالشعر والفن وهو (نَفسي)".