بعد أنباء إصابتها بـ"كورونا".. أنغام تخرج عن صمتها وترد: لو في حاجة هقول مش عيب

تردد الأقاويل خلال الساعات الماضية حول إصابة النجمة المصرية أنغام بفيروس كورونا، خاصة بعد إصابة مديرة أعمالها راندا رياض وزوجها الفنان محمد الشرنوبي.

وخرجت أنغام عن صمتها وكشفت حقيقة ما يتم تداوله، من خللا مداخلة هاتفية مع الإعلامي عمرو أديب في برنامجه "الحكاية"، قائلة:"أنا كويسة ومفيش حاجة خالص وأنا عموما مش بخرج كتير من البيت، اللي حصل إن راندا مديرة أعمالي جالها كورونا هي والشرنوبي ربنا يشفيهم يارب، وأنا بسأل عليهم كل يوم، تعبوا شوية بس أنا مشوفتهمش".

وأضافت:"أنا مشوفتهاش بقالي فترة وهي لما تعبت أنا بقالي شهر مشوفتهاش، وكان نفسي أزورهم بس صعب".

أواختتمت حديثها قائلة:"أنا خالية من الكورونا ولو في حاجة هقول مش عيب، أنا كويسة وشكرا على سؤالكم".

وكانت راندا قد كتبت، عبر خاصية الـ"ستوري" بموقع "انستجرام": "نتيجة تحليل كورونا طلع إيجابي، وكان أسبوع صعب، بس الحمد لله الأعراض خفت وبقيت أحسن".

وكتب محمد الشرنوبي عبر خاصية الـ"ستوري" بموقع "انستجرام":"عملت مسحة كورونا وطلعت إيجابية، الحمدلله الأعراض خفت واتحسنت جدًا".