فيديو| في أول ظهور لـ رامي رضوان بعد شفائه من كورونا: مهرجان القاهرة السبب

حكى الإعلامي المصري رامي رضوان، في أول ظهور له في برنامجه "مساء dmc"، عن تجربته مع فيروس كورونا "كوفيد19"، الذي أصيب به الأسابيع الماضية وتعافيه منه.

وقال رضوان:"الحمدلله يمكن فترة الغياب بعتبرها نعمة من عند ربنا.. كنت بكلمكم من أول السنة عن كورونا من واقع الأبحاث والدراسات من مختلف المؤسسات العلمية والتعليمية ومراكز الأبحاث والأطباء والمتخصصين في العالم، ده هيفضل مستمر معانا، النهاردة أنا بتكلم كمان من واقع تجربة عشتها بكل تفاصيلها اللي كنت بحكي عنها شهور".

وأضاف:"بعد فضل ربنا كم الحب والدعا اللي وصلني انا بصراحة مكنتش متخيله بشكركم من كل قلبي، وكل الشكر لأهلي اللي كانوا خايفين على أكتر من نفسي، كل الشكر لزوجتي العزيزة".

وتابع:"لما جالي دور برد قبل كدة كان طبيعي وخفيف وقبل الاصابة بحوالي 3 أسابيع، إنما اللي حصل ، بداية يوم الاصابة كان افتتاح مهرجان القاهرة السينمائي، ومساء الثلاثاء رجعت على بيتي بعتاد اني بتفرج على فيديوهات على يويتوب، ورجعت اليوم ده كنت حاسس اني عايز أنام وكان نوم متقطع فصحيت حسيت ان عندي صداع وجسمي متكسر وفقدت حاسة الشم، وقولت شكله هو، دخلت قفلت على نفسي، وتواصلت مع إدارة البرنامج ومشكورة تفهمت الموضوع وقولتلهم مش هقدر أكون في المهرجان، لأن مش عايز ضميري يأنبني، والنتيجة طلعت إيجابية".

واستكمل حديثه:"خدعوك فقالوا كورونا ده دور برد بس تقيل هو مش دور برد.. ده دور سخيف وتقيل وخنيق وممل، وأنا كنت بعاني من تكسير فالجسم والصداع.. ناس كتير بتسألني أخذت أدوية إيه، لكن مستحيل أقدر أقول لأي حد خد العلاج ده دي جريمة، وأنا غيرت البروتوكول العلاجي بعدها بـ48 ساعة".