آيتن عامر تهاجم عفاف شعيب بسبب "غسيل الراجل للمواعين": ايه التصريحات العجيبة دى؟
عبرت الفنانة آيتن عامر، عن استيائها واستغرابها في نفس الوقت، من تصريح النجمة عفاف شعيب، حل مساعدة الرجل لزوجته في المنزل وخاصة "غسل المواعين".
وكتبت آيتن تغريدة عبر حسابها الشخصي بموقع التدوينات القصيرة "تويتر":"ايه التصريحات العجيبة دى بس !!! مين قال ان اللى يساعد مراته فى ظل طحنة الدنيا دى يبقى انصاف رجال ؟!!".
ايتن عامر
وتابعت:"الستات بيشتغلوا و ينضفوا و يطبخوا و يغسلوا و بليل مبيناموش ساعتين على بعض بسبب نوم الطفل المتقطع ولما الراجل يساعد نقول علية مش راجل !!!!! ايه دة بجد".
وقالت عفاف في تصريحها:" "والبنات فين أهاليهم ما علمهومش بيتك ولازم تكوني نضيفة في بيتك وشكلك، في مثل بيقول في رجال وفي رج رج، الراجل اللي بيغسل المواعين ده يبقى رج رج أنصاف رجال يعني، والبنات متزعلش، البنات تحافظ على بيتها وجوزها، وكفاية جواز وطلاق، يمكن هو طيب، ساعديه واتعاوني معاه، أنا مش ضد إنه يغسل المواعين بس في نفس الوقت متخليهوش كراجل تتقل قيمته".
وأضافت:"الست ست والراجل راجل، الرجال قوامون على النساء بما أنفقوا، هو بينفق، ولو هي بتشتغل يفهموا بعض ويتعاونوا، في بنات بتطلق من تاني شهر ليه؟ حافظي على بيتك وخلفي عيل ولا عيلة، نسبة الطلاق عندنا بتزيد لأن مفيش توجيه صح".