بعد تصريح عفاف شعيب المثير للجدل.. عمر خورشيد: إيه اللي بتقوله ده.. أنا بغسل المواعين

انتقد الفنان المصري الشاب عمر خورشيد، تصريح الفنانة عفاف شعيب التي هاجمت فيه الرجل الذي يساعد زوجته ويقوم بغسل الصحون "المواعين".

وكتب خورشيد عبر صفحته الشخصية بموقع التواصل الاجتماعي "فيسبوك":" إيه اللي استاذة عفاف شعيب بتقوله دا ..على فكرة أنا بغسل المواعين".

عمر خورشيد

وقالت عفاف في تصريحها المثير للجدل:"البنات فين أهاليهم ما علمهومش بيتك ولازم تكوني نضيفة في بيتك وشكلك، في مثل بيقول في رجال وفي رج رج، الراجل اللي بيغسل المواعين ده يبقى رج رج أنصاف رجال يعني، والبنات متزعلش، البنات تحافظ على بيتها وجوزها، وكفاية جواز وطلاق، يمكن هو طيب، ساعديه واتعاوني معاه، أنا مش ضد إنه يغسل المواعين بس في نفس الوقت متخليهوش كراجل تتقل قيمته".

وأضافت:"الست ست والراجل راجل، الرجال قوامون على النساء بما أنفقوا، هو بينفق، ولو هي بتشتغل يفهموا بعض ويتعاونوا، في بنات بتطلق من تاني شهر ليه؟ حافظي على بيتك وخلفي عيل ولا عيلة، نسبة الطلاق عندنا بتزيد لأن مفيش توجيه صح".