جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد عرض أولى حلقات مسلسل "لؤلؤ".. محمد مهران يوجه رسالة شكر لمحمد سامي

الاثنين 28 ديسمبر 2020 | 04:45 مساءً
سارة إبراهيم
778
محمد مهران

بعد عرض أولى حلقات مسلسل "لؤلؤ"، وجه الفنان محمد مهران، كاتب المسلسل، رسالة شكر إلى المخرج محمد سامي.

محمد مهران كتب، على حسابه الخاص على موقع "انستجرام": " مبروك لكل صناع مسلسل لؤلؤ.. مبروك يا مي @maiomar_ ان شاء الله المسلسل يعجب الناس و يحبوا لؤلؤ و انتي تعبتي كتير في المسلسل و اكيد ربنا هيجازيكي علي قد تعبك".

وأضاف: "اما بالنسبه لشعوري بفرحتي و انا بقرا اسمي و مكتوب جمبه ( سيناريو و حوار ) احساس مش عارف اوصفه.. بس اقدر اوصف اول حاجة جات في بالي و انا بتفرج علي اول مشهد من مسلسل #لؤلؤ".

وتابع: "افتكرت مكالمه جاتلي يوم ٢٦ / ٧ /٢٠٢٠ من الأستاذ محمد سامي قالي فيها ايه رايك تكتب سيناريو و حوار مسلسل لؤلؤ، اكتر حاجة استغربتها اني عمري ما قولتله اني بحب الكتابه او حتي هو قرالي اي حاجة .. و بصراحه في الاول خفت من المسؤوليه الكبيره دي بس قررت اخوض التجربه".

واستطرد: "واكتشفت اني اهم حاجة طلعت بيها من التجربه دي اني اتعلمت كتير من الشخص اللي ليه فضل عليا بعد ربنا سبحانه وتعالي اني اعرف اكتب مشهد من بدايته لنهايته.. من اول ما قالي المشهد يتكتب بالورقه و القلم لحد اخر كلمه تتكتب في المسلسل".

واختتم كلامه، بقوله: "الشخص ده هو الاستاذ محمد سامي اللي لازم يكون اول شخص اشكره ، مش لكونه اداني فرصه اني اكتب السيناريو و الحوار للمسلسل و بس ، ده لانه علمني يعني ايه اكتب سيناريو و حوار و ده شئ هفضل فاكره فاي مشهد لاي عمل هكتبه بعد كده شكراً و شكراً و شكراً لربنا انه قدر اني اتعلم كتابه الدراما علي ايدك".

مي عمر ومحمد سامي